Astea laburrean x 10
Ostirala da gaur eta ohitura bihurtu den moduan, Astea Laburrean atalaren eduki berri bat dugu. Eta konturatu gabe hamargarren atalera iritsi gara. Dakizuenez, astean behin, hirian izandako albiste eta gertakari esanguratsuenen audio laburpena egiten dugu Hala Bedi irratiko Suelta La Olla magazinarekin elkarlanean.
Jada entzungai duzuen atalean, azken zazpi egunen errepasoa egin dute IRUTXULOKO HITZAko Andrea Bosch Alfaro eta Nagore Garmendia Artano kazetariek. Oraingoan, hizpide izan dituzte, besteak beste, Realaren Kopako finalerako sailkatzea, Lilatoia, Uber, Txomiñeneko anbulatoria edota Apar jatetxearen irekiera GOE eraikinean.
Gure komunitateari euskarri eta formatu berriak eskaini asmoz, ostiralero gauzatzen dugu kolaborazio hau, eta entzungai duzue bai Hala Bedi Irratiko Suelta La Olla magazinean, FM 107.4 frekuentzian, baita IRUTXULOKO HITZAko sareetan eta webgunean ere.
