Tokiko merkataritza aldarrikatu du Gipuzkoa Merkatariak Federazioak
Gipuzkoako Merkatariak elkarteak atzo egindako bileran aintzatetsitako saltokietako ordezkariak, elkarteko eta erakundeetako ordezkariekin batera.
Gipuzkoako Merkatariak 
Gipuzkoa Merkatariak Federazioak batzar orokorra egin zuen igandean Maria Cristina Hotelean. Bertan, elkarteko arduradun Estibaliz Tellok tokiko merkataritza aintzatetsi eta babes handiagoa eskatu zien erakundeei une zaila pasatzen ari den sektore horrentzat.
Ekitaldian, gainera, Aldundiak sustatutako Singular Dendak programara batutako zazpi establezimendu berri aitortu zituzten, horietako lau, Donostiakoak: Amarenak, Artilana Merceria, Duna Mineralen dena eta Parkean Arte. Egun 252 saltoki dira sare horren parte.
Halaber, 50 urtetik gorako ibilbidea duten establezimenduak ere omendu zituzten, tartean, mende erdi bete duen Añorga Txikiko Arteaga Harategia eta 51 urte dituen Larratxoko Alimentación Verde.
