«Premiazko aldaketak» aldarrikatu dituzte zaintza zerbitzuetan
Manifestazioa egin dute Erdialdeko kaleetan barrena.Gipuzkoako Senideak 
Gipuzkoako Senideak elkarteak deituta, lan hitzarmen duin baten alde greban dauden erresidentzietako langileen aldeko manifestazioa egin dute eguerdian, Bulebarretik abiatuta. Deitzaileei batu zaizkie Gipuzkoako Pentsiodunen Mugimendua, Denon Bizitzak Erdigunean mugimendua, Malen-Etxea, LAB eta ELA sindikatuak. Otsailaren 28an egin moduan, Gipuzkoako adinekoentzako eta mendeko pertsonentzako zainketa zerbitzuetan “premiazko aldaketak” eskatu dituzte.
Salatu dutenez, mobilizazio hartatik hiru hilabete geroago, “egoerak bere horretan” jarraitzen du: lantaldeak ez dira nahikoa eta langileen erdia baino gehiago “nahi gabeko” kontratu partziala dute. Horrez gain, bidegabeko eta koordinaketa insolidarioa ere gaitzetsi dute, “oztopo onartezina da Zainketa Zerbitzu Publiko bat izan beharko lukeenerako, batez ere bizitza osoa zergak ordaintzen eman ondoren”. Gainera, oraindik ez dira itzuli egoitzetan grebengatik eman ez diren zerbitzuen kuotak.
Halaber, etxez etxeko zerbitzuan ari diren 2.000 langile baino gehiagok “esplotazio baldintzak partzialak” dituzte. Era berean, laguntza “guztiz eskasak” etxean bertan zaintza “duinak” bermatzeko.
Itxaron zerrenda kronifikatuak, egingo lekuak eta aurreikusitakoak ez dira nahikoak datozen urteetako hazkunde demografikoari erantzuteko. Eta egungo egoerari aurre egiteko, erabiltzaileei eta senideei beraien interesen eta erreklamazioetan antolatzeko eskubidea “aktiboki ukatzen” zaie.
Gainera, nabarmendu dute etxeko arretak “zaintza sistema duina eta etorkizuneko hitzartzea eskatzen duela, eta enpresa pribatuak mantendu beharrean, uste dute “zaintzarako akordio politiko eta sozial handi bat” lortzeko baldintzan badirela”.
