Partaidetza eta ingurumen proiektuetarako diru laguntzak onartu ditu udalak
Udalaren eta auzo elkarteetako ordezkarien arteko bilera bat.Donostiako Udala 
Donostiako Udalak diruz lagunduko ditu herritarren entitateen jarduerak, partaidetza proiektuak eta ingurumenaren jasangarriari loturiko jarduerak. Horretarako, 94.934 euroko diru saila onartu dute Tokiko Gobernu Batzordean.
Ingurumenaren arloan, 24.560 euro bideratuko dira ingurumen erakundeak mantentzeko eta biodibertsitatearekin, ekonomia zirkularrarekin, mugikortasun iraunkorrarekin, ingurumen hezkuntzarekin eta natura gune eta komunitateen hobekuntzarekin lotutako hamaika proiektu garatzeko.
Bestalde, 26.955 euro onartu dira herritarren partaidetzazko zortzi proiektu finantzatzeko, hiriko elkarteek eta gizarte kolektiboek bultzatutakoak, komunitatearen kohesioa, inklusioa, kulturen arteko bizikidetza eta auzotarren inplikazioa sustatzeko.
Era berean, udalak 43.418 euro emango ditu Donostiako auzoetan banatutako 25 auzo elkarteren funtzionamendu gastuetan laguntzeko, haien eguneroko jarduera eta komunitate bizitzaren dinamizatzaile gisa duten eginkizuna indartuz.
