Auditz Akularreko proiektua kritikatu du Altza XXI herri ekimenak
Auditz Akular, artxiboko irudia.Joseba Parron San Sebastian 
Altza XXI herri ekimenak Auditz Akularren egin nahi den proiektu urbanistikoaren aurkako jarrera berretsi du, eta Donostiako Udalak duen etxebizitza politika eta hiri plangintza gogor kritikatu ditu.
Ekimenak zalantzan jarri du Auditz Akularren milaka etxebizitza eraikitzea denik egun hiriak duen etxebizitza arazoa konponduko duen. Gainera, “lurzoru birjina” urbanizatzearen aurka dagoela adierazi du herri ekimenak, eta hirian dagoeneko urbanizatuak dauden eremuak erabili daitezkeela argudiatu du. Bestetik, Altza XXIk ere salatu du proiektuaren inguruko ingurumen txostenak eta irizpideek eremuaren urbanizazioari mugak jartzen dizkiotela.
Era berean, herri ekimenak zalantzan jarri du proiektuak eta etxebizitza berriek Altzako auzoan izango duen eragina: Etxebizitza berriak eraikitzeak zer nolako enplegua eta jarduera ekonomikoa sortuko duen zalantza dute.
Altza XXIren ustez, Donostiako hiri ereduaren inguruan eztabaida zabalagoa egin behar da, eta ez soilik etxebizitza kopuruaren inguruan, hiriko lurzoruaren berrantolaketaren inguruan ere hitz egin behar dela argudiatu du. Aurretik aipatu moduan, hirian lehendik urbanizatuta dauden eremuen erabilera lehenetsi beharko litzatekeela defendatu du herri ekimenak, eta ez lurzoru berriak okupatzea.
Amaitzeko, Altzako alderdiei dei egin die Altza XXIk, urbanizazioaren aurkako mugimenduarekin bat egin dezaten.
