Zinema oinarri hartuta hausnartzekoa aukera dakar beste behin Zinemaldiko Hizketaldiak programak
Zinemaldiaren Hizketaldiak programak zinema sortzeko, egiteko eta pentsatzeko moduak jorratzeko solasaldiak dakartza aurten ere. Besteak beste, honako gaiak jorratuko dituzte topaketetan: arrazakeriaren aurkako ikuspegiak txertatzea, narratiba eta egiletza modu berriak, sorkuntza egonaldiak eta nazioarteko-laborategiak, zinemaren botere eraldatzailea eta arte diseinua eta zuzendaritza. Halaber, familia harremanak kontatzeko modu berriak, gorputza narrazio gailu gisa eta ikus entzuleen, algoritmoen eta ikus entzunezko banaketaren erronkak ere aztertuko dituzte.
Zinemaldiak topaketarako, ezagutza sortzeko eta transmititzeko gune gisa duen izaera nabarmentzen du programak, eta, horrez gain, bere burua galdekatzen du, baita etorkizunean panorama zinematografiko aldakor baten aurrean erantzunak eskaintzen saiatu ere. Saio ia denak Tabakaleran aurrera eramango dituzte.
Lehen Hizketaldia hilaren 19an egingo dute, 12:00etan: Besteen begian habea: kritikaren matxinada Cabezas Cortadasen estreinaldiaren aurrean izenburua eramango du. FlixOleko programazio eta marketin zuzendari Miguel Lppezek zuzenduta, filmen zaharberritzean aditua den Javier Mosqueda 1970eko Zinemaldiko Glauber Rocharen Cabezas cortadas lanaren estreinaldi nahasiari buruz ariko da. La Vanguardia egunkarian argitaratutako kritika batek Espainiako zinemagintzako izen gazteen erantzun publikoa jaso zuen. Topaketak begirada kritikoaren eboluzioari buruz hausnartuko du eta pelikularen zaharberritze berriaren trailerra aurkeztuko du 4K-n.
Hilaren 20an, 11:00etan, Postigo Express proiektatuko dute Tabakalerako zinema-aretoan, Fernando Postigo argazki-kazetari donostiarraren ibilbidea erakusten duen lanak; 1970eko hamarkadatik 2000ko hamarkadaren hasierara arte. Euskal gatazkaren errealitatea dokumentatu zuen Postigok, kamera eskuan, Donostiako kaleetan Postigok kamera eskuan zuela. Emanaldiaren ondoren, Peter Decherney zuzendariak eta Postigok berak elkarrizketa bat izango dute argazki-kazetaritzak garai baten testigantza gisa duen eginkizunari buruz eta irudiaren, memoriaren eta gatazkaren arteko harremanari buruz.
Egun beran, 12:30ean, Sorkuntzarekin batera: nazioarteko egoitzen eta laborategien panorama solasaldia egingo dute. Bertan izango dira Angelica Cantisani, Torino Film Labeko programen koordinatzailea; Vanja Kaludjercic, Rotterdamgo Zinema-jaialdiko zuzendaria; Andrea Queralt, zinema-ekoizlea eta FIDLab Marsellako koordinatzailea; eta Maialen Franco, Donostia Zinemaldiko prestakuntza-programen arduraduna eta topaketaren moderatzailea. Horrez gain, zinema munduko bi ahots berri izango dira mahai-inguruan: Irati Gorostidi Agirretxe eta Diego Cespedes. Haien ikuspegiek hausnarketa bateratua irekitzea ahalbidetuko dute.
Hilaren 21ean, Ikus-entzunezkoetan arrazakeriaren aurkako ikuspegia eta ikuspegi dekoloniala txertatzeko praktika eta politika inspiratzaileak hizketaldia egingo dute, ekoizpen kate osoan emakume migratzaile eta arrazializatuek jasaten dituzten oztopoak eta indarkeriak aztertzeko eta egiturazko desberdintasun hori iraultzeko proposamenak egiteko asmoz. Beatriz Mbula zinemagile eta aktoreak moderatuko duen ekitaldian parte hartuko dute Dagmary Olivar Graterol kultur kudeatzaile eta ikertzaileak eta Wendy Espinal zinemagile eta kultur kudeatzaileak.
12:00etan, Narratiba berriak iruditeria berrientzat / Kontakizuna eraldatzen duten emakumezko sortzaileak, zinemagileak eta egileak solasaldiaren txanda izango da. Eztabaida horretan, hainbat zinemagilek gogoeta egingo dute begiratzeko, kontatzeko eta (norbera) irudikatzeko modu berriak eraikitzeko aukeraz, eta zalantzan jarriko dute nork izan duen eta duen bizi garen mundua irudikatzeko eskubidea. Lucia G. Romero zuzendari, idazle eta gidoigileak gidatuko du hizketaldia eta Daysi Cruz Cid ekoizle exekutibo eta ikus-entzunezko aholkulariak, Eva Montoya gidoigileak, Xixi Sofia Yen Chen zinema-zuzendariak eta Herminia Loh musikari, aktore, soinu-laguntzaile eta txoferrak parte hartuko dute.
Arratsaldean, 16:00etan, Diego Lunarekin ere hitz egingo dute. Ambulante erakundearekin izandako esperientzian oinarrituta, aktore, zinemagile eta ekoizle mexikarrak zinemari buruz hitz egingo digu, zehazki, zinemak inguruari behatzeko eta ingurua eraldatzeko modu berriak zabaltzeko duen gaitasunari buruz. Ambulante Gael Garci Bernal eta Elena Fortesekin batera sortu zuen Lunak, eta dokumentala eraldaketa sozial eta kulturalerako baliabide gisa sustatzea du helburu. ICEXeko Zinema Ataleko buru Noemi Cuetosek moderatuko du hizketaldia.
Hilaren 22an, 12:00etan, Cecilia Barrigak zuzendutako El género de la democraciaren dokumentala proiektatuko dute. Barrigaren dokumentalean, Espainia osoko 40 gaztek baino gehiagok bizitzea tokatu zaien sistema politiko eta sozialaz, etorkizun kolektiboko irrikez eta bete gabeko promesez hausnartzen dute.
Hilaren 23an, 19:00etan, Fikzioa eraikitzen: Arte-diseinua eta -zuzendaritza zineman hizketaldia aurrera eramango dute Santa Maria komentuan. Euskadiko Arkitektura Institutuarekin lankidetzan, Antxon Gomez izango du protagonista Manera aldizkariko Enric Pastorrek gidatutako saioak. Gomez zuzendari artistikoa, ekoizpen diseinatzailea eta Pedro Almodovarren ohiko kolaboratzailea da. Hizketaldi honetan zinema narratibari diseinuak egiten dion ekarpenari buruz hausnartuko du, baita filmaketarako objektu espezifikoak eta kokalekuak aukeratzeko arrazoibideari buruz ere.
Azken saioa hilaren 26an egingo dute. Beth de Araujok Josephine film berria Perlak sailean erakutsi ondoren. Zinemagile estatubatuarrak Publikoaren Saria eta Epaimahaiaren Sari Nagusia irabazi zituen Sundancen bere bigarren film luzearekin, Berlinaleko lehiaketa ofizialean parte hartzeaz gain.
