Kontxako Bandera

Donostiarra saiatu den arren, ez da posible izan

'Torrekua II' trainerua ezinezkoa zirudiena iraultzen ahalegindu da, baina Oriok ez du hutsik egin eta bandera irabaztea lortu du.

Xalba Ramirez / Inaxio Esnaola

2026/09/13

Donostiako bi banderak hirian geratzeko ardura zuen Donostiarrako mutilen taldeak, eta horren bila atera dira Kontxako Banderaren gizonezkoen bigarren jardunaldian. Balentria behar zuten desabantaila gainditu eta Orio atzean uzteko. Eta saiatu dira, baina ez da posible izan.

Ohorezko txandan aritu dira, bigarren kaletik, eta lehendabiziko luzean Oriori eustea lortu dute. Une batzuetan, parera iristear izan dira, baina ziabogatik bueltan, San Nikolas ontziak beste martxa bat jarri du, eta helmugara aldea handituz abiatu dira. Horrela ere, Torrekua II traineruak, ez du amore eman, eta estropada borobiltzen saiatu dira, gutxienez txapeldunordeak izateko. Lortu dute helburua, eta ulertu dute Kontxako Bandera gero eta gertuago dutela.

Igor Makazaka Donostiarraren entrenatzailearekin hitz egin du hedabide honek, estropadaren ondoren:

Hondarribia hirugarren izan da ohorezko txandan, eta Zierbena laugarren. Lehen txandan, berriz, Urdaibaik alde nabarmenarekin gainditu ditu beste hiru ontziak; Getaria, Isuntza eta Ondarroa. Gainera, Bermeokoak bigarren jardunaldiko bigarren onenak izan dira, Donostiarraren aurretik.

Oriok nagusitasun osoz irabazi du 2026ko gizonezkoen Kontxako Bandera, eta kaian ospatu dute zaleekin.Joseba Parron San Sebastian

Gizonezkoen bigarren jardunaldiko sailkapena:

1. Orio 19:35.96
2. Urdaibai 19:48.54 (+12.58)
3. Donostiarra 19:49.82 (+13.86)
4. Hondarribia 19:51.90 (+15.94)
5. Zierbena 19:55.96 (+20.00)
6. Getaria 20:00.28 (+24.32)
7. Isuntza 20:06.40 (+30.44)
8. Ondarroa 20:08.98 (+33.02)

Gizonezkoen Kontxako Banderaren sailkapen orokorra (bi jardunaldiak aintzat hartuta):

1. Orio 39:27.56
2. Donostiarra 39:44.52
3. Zierbena 39:58.99
4. Urdaibai 40:04.16
5. Hondarribia 40:06.84
6. Getaria 40:06.84
7. Isuntza 40:41.31
8. Ondarroa 41:03.02