Victor Lasak ez da 2027ko udal hauteskundeetan berriro aurkeztuko
Victor Lasa, prentsaurrekoan.Elkarrekin Donostia 
Elkarrekin Donostiako bozeramaile Victor Lasak iragarri du 2027ko maiatzeko udal hauteskundeetan ez dela berriro aurkeztuko eta, horrenbestez, Donostiako Udalean duen ibilbidea amaituko duela.
Lasak erabakiaren berri eman dugaur. “2027ko maiatzean ez aurkeztea erabaki dut. Donostiako Udalean dudan bidea orduan amaituko da”, adierazi du.
Bozeramaileak udal politikan egindako ibilbideari buruzko hausnarketa ere egin du. Donostiarrak zerbitzatzea “bere bizitzako ohorerik handiena” izan dela azaldu du. Onartu du bere jardunean “asmatu eta huts” egin duela, eta hartutako jarrera eta defendatutako ideiek herritar batzuk gehiago eta beste batzuk gutxiago gustatu ahal izan dizkietela. Hala ere, beti “guztien bizitza hobetzen saiatzeko benetako —eta agian inozoa— ustearekin” jardun duela azpimarratu du.
Lasak politikaren gogortasunaz ere hitz egin du. “Politika gogorra da. Ez ditu beti ondo tratatzen oraindik politikan sinesten dutenak”, adierazi du.
Amaitzeko, urte hauetan beregan konfiantza izan duten, lagundu dioten, berarekin desadostasunak izan dituzten edo arazo bat zein ideia on bat kontatzera hurbildu zaizkion pertsona guztiei eskerrak eman dizkie.
“Pribilegio bat izan da. Eskerrik asko, Donostia. Eskerrik asko, donostiarrak”, esan du Lasak.
