'Purpuasteburuaren iragarpena'
Txoroskopoa, Ixi Goianetxe
Aquarius: Urtarrilaren 20tik otsailaren 18ra.
Ederto hasiko duzu astea: uholdeak, xirimiria, zaparrada… forever aqua! Hau da zure astea: uraren garaia inauguratu dute Euskadi tropikalean. Beraz, egin kasu: utz itzazu alde batera aterkiak, xelebrekeriak eta konplejuak eta izan zaitez ura, lagun. #aquafest2017
Piscis: Otsailaren 19tik martxoaren 20ra.
Amara Berriko jaietako zulo beltzean murgiltzeko irrikitan zaude. Jakin: purpurinaren fabrika Superxaguren gotorlekua da. Gemini ez da urrun ibiliko zure identitatearen alderdi berriak deskubritzeko… kontuz! Izaretan topatu dezakezu astebete beranduago ere zure lagunaren purpurina. #apurpuzurekateak
Aries: Martxoaren 21etik apirilaren 19ra.
Odonen garai ilunetan estankatuta dirudizu… urteko poztasunik handiena jaso duzu: Donostia Kulturaren (babeslea: Donostiako Kofradia Fantasma) mindfulness, biodantza, acroyoga, stretching, olio pintura, bitxigintza, ornitologia, patchwork eta flamenko ikastaroetan onartua izan zara. Oso ondo! Segi horrela… #borrokadabidebakarra
Taurus: Apirilaren 20tik maiatzaren 20ra.
Zenbat negar ta zenbat min, ta zenbat gau lo ein barik. Ez zara ari zure garairik onena igaroten. Dena eman eta gutxi jaso. Udarak faktura pasa dizu: moskitoek odolustu zaituzte, Librak poltsikoak zulatu dizkizute eta bihotza ezin ase duzu.
Gemini: Maiatzaren 21etik ekainaren 20ra.
ADI! Geminiren kontzertu prefe! DJ Miau ostiralean Donostiako afueretan! Atera armairutik boa morea, brillantina kolorful, eta gora bihotzak eta behera galtzak! Prestatu zaitezte: ez dago eta jairik geminirik gabe! #tekilarroxa #fuegomantenloprendido
Cancer: ekainaren 21etik uztailaren 22ra.
Asteburu desfasatua ala deskantsu desintoxikatzailea? Dilema galanta, inoiz ez duzu aurkitu zure burua halako bidegurutzean. Onar ezazu… Amara Berriko jaietako kontzertuak zure gustukoak ez badira ere, bertan amaitzeko arrisku handia duzula… #rehab
Leo: Uztailaren 23tik abuztuaren 22ra.
Internazionalizatu egin zenuen zure aisialdia kataluniar erreferenduma dela eta. Sardana dantzatu, dulzaina jo eta butifarra jaten daramazu aste osoa, nahikoa da. Hautsa hartzen dituzu zure egunerokotasuneko bidelagun danbolina eta txistua. Onartu: gehiegi motibatu zara #hegoakmozten
Virgo: Abuztuaren 23tik irailaren 22ra.
Zinemaldiko nostalgia ezin gainditurik zabiltza, dituzun argazki eta sinadura guztiekin Hoffman album bat egitea bururatu zaizu, malkoak lehortuko dizkizu. Etxean Zinequorum bat antolatzeko momentua duzu. Deitu zure zinelagun hipsterrei, palomitafest, osteko kolokioa… #alwaysmoviefan #Zinemaldia66 #lovemyfriends
Libra: Irailaren 23tik urriaren 22ra.
Aste honetan ez duzu zorte handirik izan eta Airbnb-ko pisuak ez du turistarik jasoko zoritxarrez, beraz garbiketa lanak aurreztuko dituzu eta horrekin gintonik ear bat hartzeko izango duzu! Asteburuko aukera: Donostiar “turista” hipsterren ehiza 😉 #ojokuidau
Scorpius: Urriaren 23tik azaroaren 21era.
Neguko arropa armairutik atera duzu, oso In-a zara, New Yorkeko eta Parisko moda San Sebastianera ekarri duzu eta kalean begirada ugari jaso dituzu. Gomendioa: pasarelaren partez, Ilunkiko eskaileretan gora eta behera ibiltzea, Lluvia de Estrellas-en kearen parekoa baitago eta izar sentiarazteko aukera emango dizu #starofstairs #takoigucci #iKEAtuta
Sagitarius: Azaroaren 22tik abenduaren 21era.
Udazkena sartzearekin batera, udaran edukitako ligeen zerrenda egin duzu, oso harro zaude udan egindako lanarekin. Gomendioa: joan zaitez Bertsolari Txapelketa Nagusira zure gorputz gihartsua EHan zehar erakustera! Aspertuko zara #BTN17 #nierebertsozale
Capricornius: Abenduaren 22tik urtarrilaren 19ra.
Zorionekoa zu! Bertsolari Txapelketa Nagusiko bazkide izanda, saio guztietara joateko aukera izango duzu. Oso harro zaude bertso guztien bukaerak asmatzen dituzu, altuan kantatuta bertsozaleen artean status bat irabazteko aukera duzu, hala ere, neurtu bolumena bada ez pada ere… #bertsofan #bertsolariakbainahobeazara
Zapaburius: Otsailaren 29tik 31ra.
Votem Donostiako turismo topaketetan. Votem kazeroladan. Votem Katalunian. Votarem Euskal Herrian? #fatxadakinkontuz #aiamazeegurra #moltesgracies #viscalaterralliure #lortukodutedugu
