AB Krosa lasterketan agertu zen lehen aldiz iaz, eta sare sozialak astindu zituen bere presentziak. Hitza panpina da, baina txiolari batek ‘Godhitza’ deitu zionetik horrela ezagutzen dute gehienek –
Godzilla munstroarekin konparatu zuen, eta hala irudikatu zuen meme batean-.
Txiolari eta memelariek Hitza panpina, Godhitza eta
AB Krosa-ren inguruko kanpaina umoretsua egin zuten Amara Berriko lasterketaren bezperan.
Agertuko al da aurtengo AB Krosa lasterketan? Kondairak dio AB Krosaren egunean esnatzen dela, eta Amara Berriko euskararen aldeko lasterketan izena ematen ez duena harrapatu eta suntsitzen duela. Beraz, ez dakit superstiziosoak zareten ala ez, baina guk badaezpada
AB Krosa lasterketa-n izena emango dugu!
