'Quo Vadis' Donostia?
Abuztuaren 10ean eraitsi zuten Jesuiten eraikina, 120 urteko historia duen eraikina, hiriko ondarearen arloko iritzi baimenduen eta eragile aktiboen aurka. Gogora dezagun uztailean baimendu zela eta ordu gutxi barru hasi zirela Altzako Eraikuntza Institutua eraisten. Eraikina egitura egoera onean zegoen eta birgaitu egin zitekeen.
Abuztuan, halaber, Aldakonea-Mandasko Dukea eremuko Plan Orokorraren aldaketa jendaurrean jartzen da, alegazioak aurkezteko epea abuztuaren 28an amaituz. Proiektu horrek Egiaren eraldaketa sakona dakar, beste behin ere, herritarren parte hartzea zailtzen duten data batzuetan aurrera eramana.
Abuztuaren 14an, Tokiko Gobernu Batzarra egin zuten, Auditz Akularreko plana aldatzeko kontratazio espedientea martxan jartzeko. Ezohikoa, egutegi instituzionalean aurreikusita ez zegoelako, eta presazkoa, deialdirako eskatzen den bi eguneko gutxieneko epea ere ez duelako errespetatzen. Etxebizitzaren arazoa ustekabeko uholde bat balitz bezala, edo atzo gertatutako eta hurrengo egunean amaitzen den fenomeno bat balitz bezala! Lgeak presazko deialdiak aurreikusten dituen egoerak, hain zuzen ere.
«Ekidin nahi dugun hiria, eta beraiek mantendu nahi dutena. Gutxi batzuentzat pentsatutako hiria da, eta herritarren parte hartzea, ondarea eta interes kolektiboa baztertuta daudela dirudi»
Hiriaren etorkizun urbanistikoaren inguruko erabaki garrantzitsu horiez gain, zentzugabekeriaren gailurrean, afari duin bat ziurtatzeko baliabiderik ez duten pertsonekiko elkartasuna debekatu eta kriminalizatzea izan da. Erosketa orgekin Donostian paseatzea arau haustea leporatzeko arriskua dakar. Ez genuen sinetsiko duela urte batzuk!
Abuztu honetako gertakariek, Aste Nagusian eta udal bizitzako hainbat arlotan, alkateak eta EAJ eta PSEko gobernu taldeak hiri hau nora eraman nahi duten galdetzera behartzen gaituzte.
Bere erabakiek argi eta garbi adierazten dute hiri elitista, sozialki desorekatua, baztertzailea eta atzerakoia dela; hain zuzen ere, ekidin nahi dugun hiria, eta beraiek mantendu nahi dutena. Gutxi batzuentzat pentsatutako hiria da, eta herritarren parte hartzea, ondarea eta interes kolektiboa baztertuta daudela dirudi. Beren diskurtsoetan aldarrikatzen duten hiri solidarioa, jasangarria, inklusiboa eta berdintasunezkoa ez dator bat beren erabakiz eraikitzen ari diren hiriarekin.
Ekialdeko Barrutiko hemezortzi elkarte sinatzaileak: AHM-Altzako Historia Mintegia, Altza-Elkartasuna Auzo Elkartea, Altza XXI Herri Ekimena, Altzania Kultur Elkartea, Bizarrain Euskara Elkartea, Buenavista Auzo Elkartea, Eltzegor Euskal Kultur Elkartea, Gure Bidea Auzo Elkartea, Herripe Auzo Elkartea, Intxaurdi Auzo Elkartea, Intxaurrondo Berri Emakumeen Elkartea, IZBE Auzo Elkartea, Lodabe Auzo Elkartea, Ostadar Emakumeen Elkartea, Osteguna Auzo Elkartea, Plazandreok, Politki Elkartea eta Showtime Elkartea.
