HITZA taldeak badu kamiseta
HITZA taldeko korrikalari guztiek jantziko dute kamiseta. Donostia milaka emakume korrikalariz beteko da igandean, martxoaren 1ean, eta aurten ere, HITZA taldea osatu dugu, Oarso Bidasoko Hitza, Lea-Artibai eta Mutrikuko Hitza, Goierriko Hitza, Urola Kostako Hitza eta Busturialdeko Hitzarekin batera. Guztira, 103 korrikalarik osatuko dute 31. Lilatoiko HITZA taldea, eta guztiek kamiseta arrosa bana jantziko dute, IRUTXULOKO HITZAk propio sortutakoa.
Igandean milaka emakumerekin batera egingo dute korrika HITZAko taldekideek, eta 10:30ean hasiko dute lasterketa. Aurretik, elkarrekin argazki bat egingo dute, 9:30ean, Maria Kristina Hotelaren parean; taldeko partaideek kamisetak jasotzeko aukera izango dute leku berean, 9:15ean.
Kirolean emakumeen parte hartzea sustatzen duen lasterketarekin bat egiten du IRUTXULOKO HITZAk, eta horregatik, igandean Lilatoiaren jarraipen berezia egingo du webgunean: informazio eguneratua, irudi bildumak, bideoak, eta abar.
