HITZAkideek onura izango dute aurtengo 2025eko errenta aitorpenean
Aldundiak interes orokorreko xedeen esparruan lehentasunezkotzat jotzen diren jardueren zerrenda egiten du ekitaldi bakoitzeko, entitate onuradunak zein diren eta jarduera horiei zer beharkizun eta baldintza bete behar dituzten zehaztuta. 2022ko martxoaren 22ko 8/2022 Foru Dekretuan zehaztu zituen 2022rako lehentasunezko jarduerak. Horiek horrela, IRUTXULOKO HITZAk lehentasunezko jarduera izendatzeko pausoak eman zituen eta horiek onartuak izan ziren.
Mezenasgoa
HITZAkide guztiek 2025. ekitaldian egindako ekarpenaren araberako onura fiskala jasoko duzue aurtengo errenta aitorpenean. 3/2004 Foru Arauan araututako lehentasunezko jarduerek %30ko kenkaria dutela zehazten du.
Hau da, HITZAkide batek 55 euroko kuota ordaindu badu horren %30a itzuliko diote. Onura hori onartua izan dela dioen gutun bat jasoko dute HITZAkideek etxean, jakinarazpena besterik ez da. Ogasunak adierazi digute zuzenean gurutzatu dituela datuak eta, beraz, HITZAkideek ez dute inongo izapidek egin beharko. Hortaz, agertzen ez bazaie, Gipuzkoako Ogasunari erreklamatu behar diote.
Amaitzeko, baliteke daturen bat oker egotea, horrela bada IRUTXULOKO HITZAri jakinaraztea eskertuko genuke, nusabiaga@hitza.eus helbidera, datuak zuzendu ahal izateko.
