Altzako Euskal Jaia
Bizarrain Euskara Elkartea
Apirilak 18an Altzako lehen Euskal Jaia ospatu zen Altzako kaxkoan Altzako jai batzordeak eta Bizarrain euskara elkarteak antolatuta. Euskara eta euskal kultura indartu, erakutsi eta bizitzeko aukera ederra izan zen; baina , batez ere, Altzako komunitate anitza indartu eta jai giroan euskaraz ongi pasatzeko topa-leku bikaina bihurtu zen.
Egun guztiko jaian hainbat ekintzaz gozatzeko [...]
Bizarrain Euskara Elkartea
Apirilak 18an Altzako lehen Euskal Jaia ospatu zen Altzako kaxkoan Altzako jai batzordeak eta Bizarrain euskara elkarteak antolatuta. Euskara eta euskal kultura indartu, erakutsi eta bizitzeko aukera ederra izan zen; baina , batez ere, Altzako komunitate anitza indartu eta jai giroan euskaraz ongi pasatzeko topa-leku bikaina bihurtu zen.
Egun guztiko jaian hainbat ekintzaz gozatzeko aukera izan zen: Goizean, Altza eta sagardoa erakusketa, artisau azoka, pilota partidak, euskal dantzak eta kantujira izan ziren. Arratsaldean, berriz, erakusketak jarraitu zuen; eta boloak, giza-proba, txalaparta, bertsoa, sagardo dastaketa, muxikoak eta Xabi Solanoren kontzertua izan ziren. Gaua borobiltzeko Realaren partida ikusteko aukera izan zen pantaila handian eta DJ Txet-ek jarritako musikarekin gaua luzatu zen.
Zoragarria izan zen lehen Euskal Jai honek altzatarrengan izan zuen harrera, izan ere, egun guztian zehar altzatar mordoa bildu zen bertara eta nabarmentzekoa da goiz goizetik goizeko ordu txikitara izandako giro ederra.
Hainbat une eder utzi zizkigun egunak eta zaila da bakar bat aukeratzea, baina hunkigarria izan zen Altzako giza-probaren eskutik Altzatarrek Eñaut Elizalderi eta bere familiari eskainitako tartea eta maitasun adierazpena.
Azkenik, azpimarratu nahi dugu komunitatearen garrantzia, izan ere, jaia aurrera eramateko ezinbestekoa izan da Altzako hainbat eragile eta pertsonen laguntza.
Beraz, eskerrik asko zuen ekarpena egin duzuen guztiei: Altzako Historia Mintegia, Jon Serrano, Oihana Latasa, Iban Orbegozo, Iñigo Navarro, Herri Ametsa ikastola, Altza kantuz, Antxon Alfaro, Xabi Lazkano, Eneko Razkin, Isa Pac, Idurre Lopez, Altzatarra k.e., Sagardoa zerbitzatu zutenak, Donostiako musika eskolako trikitilariak, Altzako giza-proba, Garazi Aramendi, Casares kultur etxea, Casa Nao taberna, Anaiak taberna, txutxe denda, Esmeralda taberna eta Ipotx taberna.
