Ibilaldia Altzako Institutuko ikasleekin
Maiatzaren 6an Altzako Historia Mintegiak ibilaldi historikoa egin zuen Ametzagaina inguruan Altzako Institutuko DBHko 1. mailako 80 ikasleen parte hartzearekin. Ikasleak bi taldetan banatu ziren, ibilaldia erosoagoa egiteko. Talde bakoitzean historiadore bat zegoen azalpenak egiteko, konkretuki Itziar Arbide eta Mikel Ubillos, biok Altzako Institutuko irakasle ohiak.
Institututik abiatuta sei geldiune egin genituen. Goizeko 9etan Institututik euripean [...]
Maiatzaren 6an Altzako Historia Mintegiak ibilaldi historikoa egin zuen Ametzagaina inguruan Altzako Institutuko DBHko 1. mailako 80 ikasleen parte hartzearekin. Ikasleak bi taldetan banatu ziren, ibilaldia erosoagoa egiteko. Talde bakoitzean historiadore bat zegoen azalpenak egiteko, konkretuki Itziar Arbide eta Mikel Ubillos, biok Altzako Institutuko irakasle ohiak.
Institututik abiatuta sei geldiune egin genituen. Goizeko 9etan Institututik euripean atera ginen eta horregatik Altzako frontoira joan ginen Estibaus zelaia zer zen azaltzeko.
Gero, Pelegriñene eta Marrus baserriak bisitatu genituen. Han, baserrien hormetan zergatik zeuden gurutzeak azaldu genuen. Bidea jarraituz Ametzagainako parkean sartu ginen bi leku historiko inportanteak ikusteko: Paleolitoko aztarnategia, eta XIX. mendeko gotorlekua.
Uba baselizaren bidean Plazentzia baserriren ondotik joan ginen. Mikel Ubillosek baserri zaharrenetako bat zela esan beharrean, zaharrena zela esan zuen. Ikasle batek Kutarro ondoan baserri zaharragoa zegoela ohartarazi zion; eta Mikelek zuzendu zuen esandakoa. Arrazoia zeukan ikasleak Txipres baserria zaharrena zela esatean. Uba baseliza zer funtzio izan zuen eta orain daukana azaldu zen.
Bukatzeko, Garbera auzora joan ginen, Paris eta Londres baserrien historia eta Garbera baserriko Bixente Barandiaran bertsolariaren inportantzia azalduz.
Hortik, Larratxo auzora jaitsi eta Institutura joan ginen, ordu bitan ibilaldia bukatuz. Ibilaldi honetan, ikasleek Altzako leku historiko inportanteak ezagutu zituzten.
