«Las hijas de Amari» liburuaren aurkezpena
Apirilaren 14an, arratsaldeko 18:30ean, Sergio Pereira idazlearen azken liburua aurkeztuko dugu Altzako Tomasene liburutegian. Las hijas de Amari Saltus Vasconum trilogiaren lehen zatia da; thriller gisa egituratuta dago eta gure inguruko baskoien eta erromatarren artean K.o. I. mendean izan ziren edo izan zitezkeen harremanak erakusten dizkigu.
Sergio Pereira Zumalakarregi Pasaian jaio zen 1979. urtean eta artearen [...]
Apirilaren 14an, arratsaldeko 18:30ean, Sergio Pereira idazlearen azken liburua aurkeztuko dugu Altzako Tomasene liburutegian. Las hijas de Amari Saltus Vasconum trilogiaren lehen zatia da; thriller gisa egituratuta dago eta gure inguruko baskoien eta erromatarren artean K.o. I. mendean izan ziren edo izan zitezkeen harremanak erakusten dizkigu.
Sergio Pereira Zumalakarregi Pasaian jaio zen 1979. urtean eta artearen eta historiaren zale amorratutzat du bere burua. Nobela hauek argitaratu izanagatik da ezaguna: La memoria de las sombras (Ttarttalo, 2014, Euskadi Literatura Sariko finalista), El hijo del capitán (Ttarttalo, 2017), La bahía bajo la niebla (Círculo Rojo, 2019) eta La maldición de los inocentes (Universo de Letras, 2021). Horiek guztiek gure historiako beste garai batzuetara garamatzate eta gure bizilagunen bizimodua nolakoa izan zen irudikatzeko aukera ematen digute; era berean, trama bizi-bizi bezain kitzikagarria dute eta aldi historiko bakoitzaren inguruan idazleak egin duen ikerketa sakona erakusten digute.
Las hijas de Amari ez da salbuespena. Girotze historikoko eleberriak K.o. I. mendeko gizartearen erretratu korala islatzen du eta historia eta legenda zein punturaino eskutik joan daitezkeen gogorarazten digu. Istorio zirraragarriari nahiz ekintzaz eta elkarrizketaz betetako estilo arinari esker, irakurleak Cneo Mancino soldadu erromatar gaztearen eta Inghar belagilearen gorabeherak ezagutu ahalko ditu, beste pertsonaia askoren artean.
Ekitaldiak Altzako Historia Mintegiaren laguntza izango du eta idazlea bertan izango da. Tokiko historia eta mitologia atsegin badituzu, ez zenuke jarduera hau galdu behar. Zure zain egongo gara!
