TARTEKA: Eskalada ikastaroa
Tartekak martxoaren 6an ekingo dio 2026ko denboraldiari.
Bagera Elkartetik gogotsu jarraitzen dugu Tarteka egitasmoaren bidez hiriko euskaldunontzako aisialdi-espazioak eta topaguneak sortzen. Oraingoan, kirola eta giro ezin hobea uztartu nahi ditugu; horretarako, eskalada ikastaro bat antolatu dugu martxoaren 6rako.
Gainera, albiste pozgarri bat dugu: ahalik eta euskaldun gehienek eskaintza honekin gozatzeko aukera izan dezaten, adin-tartea 35 urtera arte zabaltzea erabaki dugu! Beraz, inoiz eskalatu ez baduzu edo dagoeneko paretan gora ibiltzea gogoko baduzu, hau da zure plana. Euskara oinarri hartuta, gorputza mugitu eta jende berria ezagutzeko aitzakia bikaina da.
Hona hemen hitzorduaren xehetasun guztiak:
-
Eguna eta ordua: Martxoak 6, 18:30ean.
-
Tokia: The Factory Boulder (27. Poligonoa, Donostia).
-
Norentzat: 35 urtera artekoentzat.
-
Prezioa: 12€ (Bagera elkarteko bazkideentzat 9€).
-
Zer sartzen da? Prezioaren barruan eskalada ikastaroa bera eta beharrezko material guztia sartzen dira.
Plazak mugatuak dira, beraz, ez utzi azken unerako!
