Pala Txapelketan apuntatzeko, azken egunak
Herri Kontseiluak eta Pelota Elkarteak elkarlanean, Neguko I. Pala Txapelketa antolatu dute eta izen ematea zabalik dago. Azken eguna azaroak 15 da. Ostiraletan izango dira partiduak azaroaren 30ean hasi eta martxoa bukaera arte (abenduak 7 eta 21 izan ezik). Arratsaldez jokatuko dira partiduak 18:00etan, 19:15etan eta 20:30etan. Emakumezkoak teniseko pelotarekin ariko dira eta pelota mazizarekin bi maila izango dira. Izena emateko bi bide Txapelketan parte hartzeko, bikote bakoitzak 20 euro ordaindu behar ditu eta sariak modalitate bakoitzeko lehenengo lau sailkatuentzat izango dira: irabazleentzat txapelak; eta besteentzat sariak/saskiak. Izena emateko bi bide daude: telefonoz 635 745 853 (17:00etatik aurrera) eta emailez: herrikontseilua@igeldo.eus. Hainbat baldintza Hainbat baldintza ere zehaztu dituzte txapelketarako: Egun aldaketarik ez da onartuko (ordu aldaketa adostuz gero, bai). Ordezko bakarra izango du bikote bakoitzak txapelketan zehar. Partiduak jokatzeko arropa txuriarekin joan behar da.
