Zer egingo dugu Eskola Zaharrarekin?
Herri Kontseiluak eskuartean duen lehentasunezko gai bat Eskola Zaharrarena da eta proiektua lantzen hasteko, bilera antolatu du. Asmoa da talde zabal bat sortzea. Talde honek izango du ardura eztabaida prozesua herrira zabaldu eta proiektua osatzekoa. Bilera urriaren 28an (astelehena) izango da 19:00etan kultur etxean.
Herri Kontseiluak gogorarazi du Eskola Zaharrean teilatua eta fatxada konpondu zirela, baina oraindik proiektua zehaztu gabe dagoela; hau da, zer erabilera eman nahi zaion. Ondoren, udaletxean aurkeztuko litzateke proiektu hori aurrera eraman dezaten.
