Sansebastianetan murgilduko dira Antiguakoak

Nerea Lizarralde

2016/01/11

Poteo eleganteko irudi bat.

Igandeko zaldi lasterketarekin motorrak berotzen hasi ondoren, antiguatarrak San Sebastian jaietan murgilduko dira berriz ere. Iritsi dira Antiguako sansebastianak! Ostegunean hasiko dute jai egitaraua, Antiguako X. Eskuz Binakako Pilota Txapelketako finalak jokatuko dituzte. Lehia bizia izan da kanporaketetan, beraz osteguneko finalean giro ederra egongo da Antiguako frontoian. Txantxarreka gaztetxean reggae gau batekin emango diete ongi etorria jaiei. Ganbiatik etorriko dira Djplan Kunta Kunta Dj Fyah, eta ziur aurrekoan bezala sekulako giroa lortuko dutela. Gainera, Antiguako gaztetxeak ekitaldi gehiago antolatu ditu jaien barruan: hilaren 15ean gazte poteoa egingo dute gaztetxetik Matia kalera, eta jaialdi feminista egingo dute. Hilaren 21ean La Otra bakarlari madrildarraren kontzertua egingo dute, 21:00etan. Hilaren 22an Gari eta Blue Jeans ariko dira zuzenean gaztetxean. Jaietako txupina ostiralean piztuko dute. Haurrak Benta Berrira jaitsiko dira Larramendi eta Jakintzatik, eta arratsalde ederra pasako dute, merienda eta haurrentzako antzerkia izango dute eta. Poteo elegantea hasi baino lehen piztuko dute sua Benta Berrin. Ondoren denak frontoirantz joango dira, auzoko hainbat musikarik osatutako hiru taldek joko baitute zuzenean: Txorroskilo, Kolpatu eta Arkaiko. Larunbatean zuzeneko musika gehiago ekarriko dute auzoko jaiek. Dokan ariko dira Physis Versus Nomos Band eta Pelax & The Cowboys Orchestra. Eta Antiguako frontoian, Joseba B. Lenoir Gang, Arkada Sozial eta Tajon Prieto. Gaua rock erritmoan luzatuko dute festazaleenek. San Sebastian egunaren bezperan ikurriñaren igoera eta 24 orduko festarako prestatuko dira auzotarrak. Santustenek igoko du ikurriña, eta haren ondotik hamarnaka danborrada aterako dira kalera. Aurten bi danborrada berri izango dituzte Antiguan: Xexene danborrada eta Tecnun unibertsitateko danborrada. Hurrengo asteburuan, hilaren 23an, kuadrillen bazkaria egingo dute. Bostehun lagun baino gehiago elkartu ohi dira. Gainera, aurten tortilla onena nork egiten duen erakutsi beharko dute. Sari bereziak izango dira irabazleentzat. Arratsaldean, elektrotxaragarekin batera poteoan egingo dute Benta Berriko plaza ingurura itzulia, Bizi DJ-ak piztuko duen giroarekin Matia Kalea eurena egiteko.Gauean, berbena izango dute. Aurtengoan ordea, Ingo al deu! taldearen eskutik. Haur, gazte eta heldu, denak dantzan jarri nahi dituzte. Auzoko DJ Pari ere musika jartzen ariko da. Antiguako jaietako antolatzaileak pozik daude zaldi lasterketak izan zuen harrerarekin. Alerta laranja eta haize indartsua zegoen iragarrita, baina azkenean eguraldia lagun izan zuten, eta lasterketa ederraz gozatu ahal izan zuten bertara joan ziren ehunka ikuslek. Abendua bukaeran jaien alde antolatu zuten babarrun jaiarekin ere gustura daude: “6o bat lagun egon ginen Dokan bazkaltzen, festa giroan. Sansebastianak girotzeko ekitaldi moduko batean bilakatu da jada”.

ANTIGUAKO SANSEBASTIANAK

OSTEGUNA, 14 -19:00 ANTIGUAKO X. ESKUZ BINAKAKO PILOTA TXAPELKETAKO FINALAK. -20:00 REGGAE GAUA TXANTXARREKA GAZTETXEAN: Djlan Kunta Kunta DI Fyah. OSTIRALA 15 17:00 HAURREN JAITSIERA TXARANGAREKIN. Jakintza eta Larramenditik hasita Benta Berriko plazaraino. 17:30 ‘FESTARA’, TOMAXEN ABENTURAK. Haurrentzako antzerkia Benta Berri plazan. 18:45 MERENDOLA MUNDIALA Benta Berri plazan. 19:00 JAIETAKO TXUPINAZOA Sorpresa ugarirekin Benta Berriko plazan. 19:00 LUNTX HERRIKOIA poteo elegantera datozenentzat, Benta Berriko plazan. 20:00 POTEO ELEGANTEA Antiguan zehar. IRAUNKORRAK TXARANGA eta EDABE MAGIKOZ lagunduta. 23:30 AUZO-ROCK 2015. Frontoian: ARKAIKO, TXORROSKILO eta KOLPATU. LARUNBATA, 16 17:00 HAUR JOLASAK Auskalo Astialdi Taldearen eskutik, Gaskonia plazan. 20:00 EL PEQUEÑO NIÑO OBESO QUIERE SER CINEASTA Sexpeare taldearen eskutik antzerkia gaztelaniaz Imanol Larzabal aretoan (Lugaritz). Sarrera 10 euro. 19:30 GAZTE POTEOA Txantxarrekak antolatuta Benta Berriko plazatik. 21:00 TALDE FEMINISTAK antolaturiko JAIALDIA Txantxarreka Gaztetxean. 21:00 PHYSIS VERSUS NOMOS BAND eta PELAX & COWBOYS ORCHESTRA DOKA Kafe Antzokian. 22:00 ANTIGUA ROCK 2015: ARKADA SOCIAL, JOSEBA B. LENOIR eta TAJON PRIETO Y KUAJALOTES Antiguako frontoian. IGANDEA 17 11:30 ZUNBA HAURRENTZAT. Eguraldi ona eginez gero, Sert plazan eta eguraldia ez badugu lagun, frontoian 12:00 ZUMBA HELDUENTZAT. Eguraldi ona eginez gero, Sert plazan eta eguraldia ez badugu lagun, frontoian 17:00 MUNDUKO DANTZAK Antiguako Frontoian. 19:30 EL PEQUEÑO NIÑO OBESO QUIERE SER CINEASTA, Sexpeare taldearen eskutik antzerkia gaztelaniaz Imanol Larzabal aretoan (Lugaritz). Sarrera 10€ ASTEARTEA 19 18:30 BURUHANDIAK Matia Kalean zehar. 19:00 IRAUNKORRAK TXARANGAREKIN KALEJIRA Antiguan zehar (22:00ak arte). 00:00 IKURRINAREN IGOERA Sansustene danborradaren eskutik. 00:00 IRAUNKORRAK TXARANGA Benta Berri plazan. 00:10 REAL CLUB DE TENIS DE SAN SEBASTIAN. 00:30 ZUBIMUSU DANBORRADAREN IRTEERA. 02:00 SANTO TOMAS LIZEOKO DANBORRADAREN IRTEERA. 03:00 DANBORRADA HERRIKOIA. DANBORKIDE H.D.G.E Antiguotar guztiontzat Matia kalean zehar, IRAUNKORRAK TXARANGAK lagunduta goizeko 06:00ak arte. URTARRILAK 20, ASTEAZKENA 07:00 GAZTE DANBORRADAREN IRTEERA. 09:00 JAKINTZAKO GURASOEN DANBORRADAREN IRTEERA ALFONTSO XIII PLAZATIK. 11:00 ISTINGORRA DANBORRADAREN IRTEERA. 11:30 XEXENE DANBORRADAREN IRTEERA. 12:00 GAUPASEROEN ARGAZKIA Antiguako frontoian. 12:00 ORKESTRA ELEKTROTXARANGA. 17:00 HAUR DANBORRADAREN IRTEERA. 17:00 BENTA BERRIKO LAGUNAK DANBORRADAREN IRTEERA 17:30 TXIRAIN DANBORRADAREN IRTEERA. 18:00 ANTIGUOKO KIROL ELKARTEA DANBORRADAREN IRTEERA 21:00 BASO ETXEA DANBORRADAREN IRTEERA. 00:00 IKURRINAREN JAITSIERA Baso-Etxearen eskutik Benta Berriko plazan. OSTEGUNA 21 21:00 LA OTRA bakarlari madrildarraren kontzertua Txantxarreka gaztetxean. OSTIRALA 22 17:30 HAURRENTZAT ANTZEZLANA Elizpean, Enaitz Kontu Kontalaria. 18:30 CUS-CUS ETA TE TAILERRA Kolore Guztiak elkartearen eskutik, Antiguako frontoian. 19:30 TABERNA IBILTARIA Adin guztientzako poteo musikatua Antiguako kaleetan zehar. 21:00 KONTZERTUAK Blue Beans gasteiztarrak eta Gari bakarlaria Txantxarreka gaztetxean. 22:00 MUS TXAPELKETA Antiguotarrak elkartean. LARUNBATA, 23 11:00 Koadrilen eta norbanakoen arteko TORTILLA TXAPELKETA. 12:00 Dastaketa eta sari banaketa Txalupagillene plazan, AntiguaOtarrak Kontsumo Taldearen eskutik. 12:00 TTUNTTURROAK ETA PERTSONAIA MITOLOGIKOAK Antiguan zehar. 13:00 IRAUNKORRAK TXARANGAREKIN KALEJIRA. 13:30 SATZARI LORE ESKAINTZA 14:30 KUADRILEN BAZKARIA Ibaetako frontoian. 16:30 Malabare jolasak, marrazkiak, joko ezberdinak… Ibaetako frontoian, Haurtxokoa eta Gaztelekuaren eskutik Antiguako frontoian. 17:30 JOLAS ERRALDOIEN GINKANA Haurtxokoa eta Gaztelekuaren eskutik sortutako jolasak (9-17 urte) frontoian. 18:00 TXANOGORRITXU Haur antzerkia euskaraz, Glu Glu taldearen eskutik Imanol Larzabal aretoan (Lugaritz). Sarrera 4 euro. 18:00 EGONIAN Elektrotxarangarekin Ibaetako Frontoitik Benta Berriko plazaraino 19:30 TXOKOLATADA MUNDIALA Antiguako Frontoian eta Trikuharri tabernen eskutik 20:00 BiziDJ Ibiltaria. Drinka eta Platero. 23:00 BERBENA ANTIGUAKO FRONTOIAN. Ingo al deu eta Dj Pari. IGANDEA, 24 12:00 MUNDUKO DANTZAK Antiguako frontoian. 17:30 MIKEL LABOAREN V. BERTSO SARIKETA Bertsolari gazteekin DOKAn.