Alex Prior hiru dominekin itzuli da Madriletik
Esgrimako Espainiako Kopa jokatu zuten, gurpildun aulki gainean, asteburuan, Madrilen. Fortunako Alex Prior pozik itzuli da, izan ere, hiru domina eskuratu ditu: Sable eta floretean zilarrezkoak, eta, ezpatan, brontzezkoa. Sableko finala oso parekatua izan zen eta 15-14 galdu zuen Asturiaseko Jesus Fernandezen aurka. Edonola ere, Prior sailkapen nagusiko bigarren postuan dago momentuz. Antiguako Pio Baroja kiroldegian jokatuko dute denboraldiko azken lehia, Euskadiko Txapelketarekin batera.
Alex Prior, Madrilen lortutako dominekin (Argazkia: Fortuna)
