Presoen aldeko ekitaldi sorta prestatu dute etzirako Añorgan
Espetxean dauden Añorgako preso politikoei elkartasuna adierazteko, hainbat ekitaldi egingo dira etzi Añorgako zinema zaharrean.
Arratsaldean hasiko dira eta ordu txikiak arte luzatzea espero dute, ekitaldi sorta antolatu baitute. Hasteko, Añorgako presoek bizi duten egoeraren berri emango dute, 16:30etan hasiko den hitzaldian. Ondoren, argazki erakusketa egongo da.
19:00etan, manifestazioa abiatuko da Añorgatik. Añorga Txikitik igaro eta Añorgara itzuliko da berriz. Euskal preso eta iheslariak etxera! izango da manifestazioa gidatuko duen lema. Afalordurako ogitartekoak eskainiko dituzte.
Kontzertuak
Elkartasun Egunarekin amaitzeko, kontzertuak egongo dira zine zaharrean. 21:30ean hasiko da La Polla Records taldearen bertsioak egiten dituen La Pop’lla taldea jotzen. Ondoren, Never Surrender, Achtung, Fiachras eta CC627 taldeek jo dute.
Zortzi euro ordaindu behar dira sartzeko.
