Europako Zinea Bidean programa Antzoki Zaharrera iritsiko da bihar
Guest filmeko irudia.
Europako Parlamentuak eta Espainiako Europako Komisioaren Ordezkaritzak antolatutako Europako Zinea Bidean programa iritsiko da bihar Donostiako Antzoki Zaharrera Jose Luis Guerin zuzendariaren Guest (2010) filmaren emanaldiarekin. Azken urteotan Europan egindako film hoberenak zabaltzea da helburua, hiritarren interes berezia piztu dezaketen Europar Batasunaren inguruko gaien inguruan eztabaida eta hausnarketarako tarteak sortzeko. Antzoki Zaharrean, apirilaren 17an (20:00) Guest filma proiektatuko da eta 19an Katyn (2007), Andrzej Wajda zuzendariarena. Hilaren 27an berriz, Viktoria Eugenia Antzokian eta X. Giza Eskubideen Zinemaldiaren programazioaren barruan, Iciar Bollainen Tambien la lluvia filma proiektatuko da, eta zuzendariak emanaldiaren ondorengo eztabaidan parte hartuko du.
