Ibaetako campuseko ikasgelak asteburuetan irekiko dituzte
Ikasturte bukaeraren gertutasunak EHUko Ibaetako campuseko ikasgelak irekita egoteko beharra areagotzen du. Horri erantzuteko unibertsitatearen arduradunek asteburuetan gelategiko ateak irekitzea erabaki dute.
Hain zuzen ere, Elhuyar enparantzako lehen atarian dagoen Inazio Maria Barriola eraikineko ikasgelak izango dira irekita. Bertara sartzeko, baina, unibertsitateko ikasle-txartela eskatuko dutela jakinarazi dute arduradunek.
Larunbat eta igandeetan irekiko dituzte ikasgelak, goizeko 08:00etatik gaueko 22:00etara.
Barriola eraikina ondorengo asteburuetan izango da erabilgarri azterketak prestatzeko:
- Maiatzak 12-13
- Maiatzak 19-20
- Maiatzak 26-27
- Ekainak 2-3
- Ekainak 9-10
- Ekainak 16-17
- Ekainak 23-24
- Ekainak 30 eta uztailak 1
- Uztailak 7-8
