Tximeletako hainbat kidek Gipuzkoako finalean sartzea lortu dute
Joan den asteburuan Gipuzkoako gimnasia erritmiko txapelketa jokatu zuten, Hernaniko kiroldegian. Zehazki, alebin eta haur mailetako lehia izan zen, eta Donostiako Tximeleta klubeko kideak bertan izan ziren. Partaide onenek datorren maiatzaren 26ko finalerako txartela lortu zuten.
Tximeletako honako kideek lortu zuten sailkatzea: Irati Gabellanes, Tximeleta-Oaiartzun alebin B taldea, Axular lizeoko alebin B taldea eta Axular lizeoko haur B taldea.
Bestetik, datorren igande goizean, Udaberri Txapelketa jokatuko dute, Hernanin bertan. Horretan ere Tximeletako zenbait kide izango dira.
