Igarotako bidearen kronologia bat

Familiaren eta elikaduraren arteko harremana jorratuko duen tailerra antolatu du Kontsumobidek

Nutrizioaren Eguna nabarmentzeko, Kontsumoko Euskal Institutua den Kontsumobidek elikadurari buruzko tailerra antolatu du astelehenerako. Hain zuzen ere, familiak elikaduraren alorrean duen garrantzia nabarmendu nahi dute egun honetan, eta horrexegatik antolatu dute Jaten ikastea, hazten ikastea da egun bakarreko tailerra.

Tailerrean parte hartzeko bi txanda izango dira, lehena, astelehen goizean, 10:30ean, eta bigarrena, arratsaldez, 17:00etan. Bertan izateko izena aldez aurretik eman beharra dago; 943-02 25 90 telefonoan edo formacion-gipuzkoa@kontsumobide.es posta elektronikora idatzita. Lantegi hauek Kontsumobidek zarategi pasealekuan dituen bulegoetan egingo dira.

Besteak beste, umeek elikagai berriak probatzeko estrategiak, familia-ereduaren garrantzia eta etiketak irakurtzen ikastea daude jorratuko diren gaien artean. Horiek guztiak eta gehiago ikusiko dituzte ordu eta erdi iraungo duen lantegian.

HITZAkide HITZAkide