Igarotako bidearen kronologia bat

Isunak eta sei hilabeteko espetxe zigorrak ezarri dizkiete AHTren aurkako ekintzaileei

Epaiketa gertatzen ari zen bitartean AHTren aurkako taldeek absoluzioa eskatu dute elkarretaratzen batean.

Epaiketa gertatzen ari zen bitartean AHTren aurkako taldeek absoluzioa eskatu dute elkarretaratzen batean. (Argazkia: Mikel Goñi)

Donostian, 2008ko abuztuaren 3an Abiadura Handiko Trenaren (AHT) aurka gauzaturiko ekintza baketsu batengatik epaitu dituzte gaur goizean hamaika pertsona. Bertan akusazioarekin akordio batera iritsi direla jakinarazi dute ekintzaileek. Honen arabera, porlanez beteriko bidoietara kateatu ziren sei lagunek bete beharko ez duten seina hilabeteko espetxe zigorra onartu dute. Beste bost akusatuei falta egotzita isunak ezarri dizkiete.

Epaiketa hasi baino lehen fiskaltzak eskatzen zuen hamaika pertsonetako bederatzirentzat bina urteko espetxe zigorra, beste batentzat bi urte eta bederatzi hilabetekoa, eta azkenekoarentzat isun ekonomikoa.

Epaiketaren aurka eta epaituei elkartasuna adierazteko hamarnaka pertsona bildu dira Kalkutako Teresa plazan, epaitegiaren aurrean egin duten elkarretaratze batean. AHT Gelditu! Elkarlana AHTren Aurkako Asanblada eta Donostiako ezker abertzaleak deitutako protestan, AHTren aurkako leloak zabaldu dituzte, eta baita azpiegitura honen harira egin beharreko hainbat ekintzaren inguruko informazioa ere.

HITZAkide HITZAkide