Igarotako bidearen kronologia bat

Egiako Herrira Bilgunean parte hartzera gonbidatu dituzte auzokideak

Herrira egitasmoaren Egiako bilgunea aurkeztu dute auzoko kultur etxean. Hainbat egiatarren aurrean “guztien bilgunea” izatea nahi duten egitasmoaren nondik-norakoak azaldu dituzte. Nagusiek, presoen eta iheslarien aldeko “aktibazio soziala” eragitea xede dute, eta horretarako prestatu duten lan planteamenduaren berri eman dute. Oraingoz lau talde osatu dituzte Egian: Auzoarekin harremanak lantzeko, propaganda egiteko, presoei eta senideei asistentzia bermatzeko, eta presoei urtebetetzean idazteko. Ideia edo beharren arabera talde berriak egingo dituzte.

Aurkezpena datozen ekimenen berri emateko ere baliatu dute. Ekainaren 7tik 15era bitartean Elkartasun Astea egingo dute, eta uztailean, azken urteetan bezala, “Kaxuelitak” izeneko  elkartasun menuak. Irailetik aurrerako egitasmoak, aldiz, Bilguneko kideekin adostuko dituzte. Ekitaldia amaitzeko, Egiako Herrira Bilgunearen argazkia egin dute bertaratutakoek.

HITZAkide HITZAkide