Amarako binakako pala txapelketan parte hartzeko bihartik aurrera izena eman ahal izango da
Auzoko jaiekin bat eginez, Amarako Jai Batzordeak bigarren urtez antolatu du bikote arteko pala txapelketa. Izen ematea bihartik ekainaren 24 arte zabalik egongo da. Horretarako, Esnaola tabernan izena eman, eta bikoteko 20 euro ordaindu beharko dute.
Sailkatze partidak uztailean jokatuko dira Amara kaleko frontoian. 3.eta 4. postua erabakitzeko norgehiagoka uztailaren 26an izango da, eta finala, hurrengo egunean, 19:00etan. Partiden zerrendak Esnaola tabernan eta Amarakojaiak.blogspot.com helbidean eskuragarri izango dira ekainaren 26tik aurrera.
Partidak 35 tantora jokatuko dituzte, eta jokalariek ordua baino 15 minutu lehenago bertaratu beharko dute. Antolatzaileek pilotak jarriko baditu ere, norberak ere bereak ekar ditzake.
