Gaur abiatuko da Antiguako Pilota Txapelketa
Antiguako 64. Pilota Txapelketa gaur abiatuko da, 19:00etan. Urtero legez, afizionatu mailako pilotari onenak bilduko dira Antiguako frontoian, hiru mailetan banaturik: lehen maila, 22 urtetik beherakoak, eta jubenilak. Bi hilabeteko lehien ostean, abuztuaren 26an jokatuko dituzte maila guztietako finalak.
Gaur arratsaldean, bi partida egongo dira jokoan. Jubenil mailan, honako bikoteak lehiatuko dira; Labaka eta Elustondo-Olano eta Cordon. 22 urtetik beherakoetan, berriz; Artola eta Larunbe-Bendoiro eta Unanua.
