Larratxon eta Monsen aparkatzeko leku gehiago nahi du EAJk
Jeltzaleek Larratxon, Txingurri pasealekuan, eta Intxaurrondoko Mons kiroldegiaren inguruan aparkatzeko leku gehiago jartzeko proposamena egingo du biharko osoko bilkuran. Ideia horiek udalbatzarra aurreko batzordean aurkeztu zituzten eta udal gobernua aztertzeko prest agertu zela jakinarazi du Martin Ibabe EAJko zinegotziak.
Larratxon, Txingurri pasealekuko espaloi zabala txikitu eta autoak uzteko 35 toki sortzeko adina leku dagoela plazaratu du zinegotziak. Espaloiak erabilera txikia duela eta aparkatzeko arazoak arintzen lagunduko lukeela azaldu du. Intxaurrondon, berriz, Mons kiroldegia ireki zenean, autoa uzteko sortuko ziren beharrak ez zirela aintzat hartu zehaztu du. Kiroldegi inguruko kaleetan zirkulazio aldaketa batzuk egitea jo du Ibabek aparkatzeko arazoari erantzuteko irtenbide.
