Udal gobernuak ostiralean onartuko du Lankidetza eta Garapenerako Hezkuntzako II. Plan Zuzendaria. Irizpide zehatzetan oinarritzen da, eta udal gobernua eredugarri izatea du helburu. Aurreko planean jasota zeuden esparruei bi gehitu dizkiote: elikadura burujabetza eta kontsumo arduratsua, eta indarkeria eza aktiboa.
Lankidetza zinegotzi Jon Albizuk azaldu duenez, planaren ildo estrategikoak “lankidetza eta garapenerako hezkuntza eraldatzailea bultzatzea; Donostian gizarte aldaketa bultzatzea; irizpide etikoak eta solidarioak udaleko politika guztietara zabaltzea, eta lankidetzan eta internazionalismoan ari diren gobernuz kanpoko erakunde eta gizarte mugimenduak indartzea” dira.
Plana udaleko webgunean eskura daiteke.
