Manifestazioa egingo dute larunbatean, debekua salatzeko eta presoen eskubideak aldarrikatzeko
Deitzaileek mobilizazioa ez egitea erabaki dute, Auzitegi Nazionalaren debekuaren ostean. Txaro Arteagak eta Andoni Eganak hartu dute hitza, eta larunbatean manifestazioa egingo dutela iragarri dute. Antiguako tuneletik irtengo da, 17.30ean. Preso gaixoen aldeko martxa debekatu izana sozialki ez ezik, judizialki ere salatuko dutela adierazi dute.
Martxa ez dute egingo, baina Beñat Zarrabeitia Herrira-ko bozeramaileak aurreratu duenez, 12:00etan, 70 urteko frantziskotar batek Donostiatik Zarautzerako ibilbidea abiatuko du. Berarekin aulki bat eramango du Giza Eskubideen Adierazpen Unibertsalaren sinbolo.
