Hungariako kaldereroek otsailaren 1ean hartuko dituzte kaleak.
Groseko kaldereroak jada hasi dira eztarriak berotzen. Asteartean eta asteazkenean egin zituzten lehen entseguak. Hurrengo astean jarraituko dute entseatzen: astelehenean (urtarrilaren 27an), asteazkenean (urtarrilaren 29an) eta ostegunean (urtarrilaren 30ean. Zurriola ikastolan lekartzen dira entseatzeko, 20:00etan. Otsailaren 1ean irtengo da konpartsa Saguesetik, 18:00etan.
Alde Zaharreko Haur Kaldereroak gaur (osteguna) hasiko dira entseatzen. Auzoko zenbait gurasok, Kresalak, Arrano Beltzak eta Herria elkarteak antolatutako konpartsa da. 4 urtetik gorako haurrak zartaginak jotzen ateratzen dira, eta txikientzako gurdiak prestatuko dituzte, eserita joateko. Entseguak Kresalan izango dira: urtarrilaren 23, 27, 29 eta 31an, 18:30etan. Parte hartzeko 5 euro ordaindu behar dira, eta entseguetara joan behar da. Konpartsan parte hartu nahi dutenek Kresalara joan behar dute entsegu egunetan eta izena eman. Otsailaren 1ean 17:00etan aterako da konpartsa, Trinitate Plazatik.
Gehituko (Euskal Herriko Lesbiana, gay, transexual eta bisexualen elkarteko) kaldereroen konpartsak Erdialdeko kaleetan zabalduko dute zartaginen burrunba, 19:00tatik 22:00etara. Entseguak bihar hasiko dituzte, urtarrilaren 24an (20:30). Hurrengo entsegua hurrengo ostiralean egingo dute, urtarrilaren 31an, 20:30ean. Urbieta kaleko (sarrera Larramendi kaletik) Amara Berri ikastetxean egingo dituzte entseguak.
Amarako kaldereroak ere bihar hasiko dira entseatzen, Donosti Berri elkartean (20:00). Urtarrilaren 31n egingo dute bigarren entsegua. Otsailaren 1ean irtengo da beraien konpartsa 18:30ean.
Amarakalde konpartsa larunbatean (urtarrilaren 25ean) hasiko da entseatzen. Konpartsako kideak eta bertan parte hartu nahi duten guztiak deitu ditu Amara Berri ikastetxean, Ferrerias plazan, egingo duten entsegura (20:00). Asteartean (urtarrilak 28) eta ostegunean (urtarrilak 30) ere entseatuko dute 20:00etan. Beraiekin harremanetan jartzeko idatzi
amarakaldekbimila@yahoo.es helbidera.