Loiolako Erribera: planoetatik komunitatera

Traineruarekin ere lehiatu da Donostiarra

Hondarribiako jaitsieran hamaikagarren postuan geratu da ‘Torrekua’, eta igandean batela uretaratuko du, Orioko lehian.
Donostiarra, trainera jaitsiera

Donostiarra, larunbatean Hondarribian jokatutako estropadan. (Argazkia: Donostiarra Arraun Elkartea)

Donostiarraren Torrekua trainerua lehiatu da dagoeneko aurtengo denboraldian. Hondarribiako XIV. Traineru Jaitsieran parte hartu zuen Xabier Zabalaren kuadrillak, larunbat arrratsaldean; eta hamaikagarren postuan geratu zen, 23 minutu eta 46 segundoko denbora eginez. Guztira, gizonezkoetan, 17 traineru uretaratu ziren, metereologia gogorrari aurre eginez, eta Hondarribia izan zen azkarrena (22:02). Emakumezkoetan, berriz, San Juanek (15:43) irabazi zuen, eta beteranoetan, Zumaiak (16:07). Taldeei lehiatzeko aukera ematen diete halako jaitsierek, traineru ligei ekin aurretik. Gipuzkoako Batel Ligari dagokionean, joan den asteburuan bi jardunaldi jokatzekoak ziren, eta Donostiarraren batelen bat bertan parte hartzekoa zen; larunbatean, Orion, eta igandean, Pasaia San Pedron. Metereologia iragarpen gogorren ondorioz, ordea, bi lehiak bertan behera uztea erabaki zuen federazioak. Datorren igandean, Orion izango da batel ligako lehia, 10:30ean.
HITZAkide HITZAkide