Martxoaren 15eko Konprimiso Egunaren aurkezpena. (Argazkia: Lide Ferreira)
“Aste hauetan asko izan dira auzo ezberdinetatik jaso ditugun proposamenak eta lortutako emaitza oparoa azaltzera gatoz”. Datorren larunbateko egitaraua, beste jarduera askoren artean, musikaz, tailerrez eta haur jolasez osatuta dago. Egunean zehar hiru gune nagusi egongo dira. Bulebarrean bi karpa jarriko dituzte: batetik, karpa handia, eta bestetik, karpa txikia. Azken honetan aurkezpenak zein erakusketak egingo dituzte. Hirugarren gunea Trinitate enparantza izango da. Bertan bertso pilota saioa eskainiko da arratsaldean eta egun osoan zehar Parte Zaharreko kale eta tabernetan musika saioak izango dira nagusi.
Hala ere, Konpromiso Egunaren ardatza 13:00etan
Baietz Bulebarra bete ekimena izango da. Helburua Bulebar osoa milaka lagunez betetzea izango da eta antolatutako puxika jolasa bideratuko dute. Honela, donostiar guztiei dei berezia luzatu diete 11.30etatik aurrera Bulebarrean azal daitezen, bakoitzak bere puxika handia hartu eta antolaketan lagun dezan. Erronka Bulebarra puxika laranjez betetzea da. “Horixe izango da konpromisoa azaltzeko modua. Madrilen epaituak izan diren bederatzi auziperatuekiko elkartasuna adieraziko da. Madrilgo Auzitegi Nazionalean donostiar hauekin batera beraien militantzia poltikoa epaitua izan da eta urtetarako espetxeratze zigor mehatxupean daude. Mugitzen ez bagara, espetxeratuko dituzte. Gure nahia besotik elkar lotu eta harresi gaindiezina osatzen hastea da”. Horretarako, norberaren konpromisoa beharrezkoa dela eta inor ez dagoela soberan azpimarratu dute: “Guztion indarrak elkartuz, injustizia hauekin amaitzea lortuko dugu”. horretarako norberaren konpromisoa beharrezkoa da. inor ez dago soberan, guztion indarra elkartuz, injustizia hauekin amaitzea lortuko dugu.
[box]
MARTXOAREN 15EKO KONPROMISO EGUNAREN EGITARAUA
- Bulebarreko karpa handia: 11:00 – 17:00
– 11:00 Egunaren hasiera: Haur jolasak, Egiako pailazoak, Kriki eta Kroki pailazoak, puzgarriak…
– 11:30etatik aurrera, ekitaldi nagusiaren prestaketa lana.
– 13:00 Ekitaldi nagusia: Baietz Bulebarra bete!
– 14:30 Bazkaria.
– 15:30 Kanta herrikoiak Ane eta Janirerekin.
– 16:00 Ramon Agirre eta Itziar Zamora.
– 17:00 Dantza Ikastaroa Trebeskaren eskutik.
Erakusketak, mahai inguruak eta bideo emanaldiak egun osoan zehar: guraso presoen aldeko margolanen erakusketa, Joxeans’s Hil Eben Film laburraren proiekzioa, Nazioarteko elkartasunari buruzko Askapenaren erakusketa, Palestinari buruzko hitzaldia eta argazki proiekzioa, Piztuk antolatutako bideo tailerra,
Festa dezagun, gaurdanik geroa! dokumentala…
17:00 Bertso – Pilota musikatua.
18:00etatik aurrera kontzertuak Parte Zaharreko hainbat tabernetan: Mikel Karton, Gorantz Erori Proiektuko Antton, Adikume, Madeleine, Argazki Bat Behelainoan, U.K. Bill, Goragaleak, Olatz Salvador, Ane eta Janire…
22:00 Beñat Gaztelumendi, Aitzol Barandiaran, Jon Maia eta Miren Amuriza. Gai jartzailea: Unai Gaztelumendi. Musikariak: Ixak eta Sierra. Ttun Ttun tabernan.
– 12:00 Kantujira, dultzaineroak eta erraldoiak, Parte Zaharreko Joaldunak Bulebarretik abiatuta.
– 18:00 Xao kale erromeria.
– 20:00 Pintxo pote erraldoia.
[/box]
