Jaitsiera izugarria egin dute Igeldoko jolas parketik
http://vimeo.com/109981984
Aldapan behera eta skate edo patin gainean abiaduraz gozatzen dutenen taldea da Streetluge Austria. Donostian izan dira, malda eta bihurgune asko duen ibilbide batean. Igeldoko jolas parketik funikularrera doan errepidea hartu eta jaitsiera izugarria egin dute.
Long Board gainean etzanda egin dute jaitsiera, abiadura bizienaren bila. Modalitate honi deitzen zaio, hain zuzen, Street Luge. Patina edo skatea aluminioa edo karbonoa bezalako materialez eginda dago.
Taldekideek bideo baten grabatu dute esperientzia zirraragarri hau. Bertan ikusten da nola hartzen duten funikularra jolas parkera igotzeko, eta nola jaisten diren handik abiadura bizian skate gainean.
