Donostiklubak musikariz inguratuta ospatuko du hamargarren urtebetetzea

Hainbat kontzertu eta jarduera berezi egingo dituzte asteburu honetan Gazteszenan

Estitxu Zabala

2015/09/30

Bestela ezin izan zuen moduan, musikarekin ospatuko du Donostiklubak bere hamargarren urteurrena. Jaialdi bat egingo dute, datorren asteburuan bertan, Gazteszenan, hainbat kontzertu eta bestelako jarduerekin; eta bestetik, ohiko zirkuitua ere egingo dute, betiko helburuarekin, musika independente eta alternatiboari lekua egitea, bertako taldeei garrantzia emanaz. Jaialdiaren berri eman zuten antolatzaileek uztailean, berrikuntza gehiago sartu dituzte, ordea:

Donostiklubaren 10 urteak argazkitan izeneko erakusketa (Juan G. Andresen argazkiekin).
Jose Maria Lasak eta Jabi Haspik ikus-entzunezko bat sortu dute urte hauetako ibilbidea erakusteko.
Egun bat gehituko diote jaialdiari; beraz, urriaren 1era aurreratuko dute hasiera: Live Gau Berezia. Bertan Rafael Berrio bere bandarekin eta Eraul arituko dira zuzenean.

Gazteszena izan da hamar urteko historian Donostiklubaren kontzertu gehien bildu dituen eszenatokia, beraz, ez da harritzekoa jairako leku bera aukeratu izana. Rafa Berrio eta Eraul taldeez gain, Nach eta Gallineo All Starsen hip hopa, Delorean, Crocodiles, Delorentos, Ghost Cutlure igaroko dira Egiako aretorik, besteren artean. Hitzaldiak ere eskainiko dituzte eta Donostikluba hiri market egingo dute kultur etxeko korridoreetan: arte diseinatzaileak, bigarren eskukoak arropa… aspertzeko betarik ez da izango!

Zirkuituaren lehen hiruhilekoan, hamahiru kontzertu

Zirkuituari dagokionean, lehen hiruhilekoa urritik abendura izango da. Zehazki, hamahiru kontzertuk osatuko dute eta tartean izango dira, Steve Wynn, Bassmati+Bidaur, Hamlet, Lauroba, Ama… urriaren 13an izango da lehen kontzertua, Dabadaban, Girl Bandekin; hiruhileko azken kontzertua, berriz, Bukowskin eskainiko du Will Johnsonek. Donostikluba Jaialdia

Urriak 1, osteguna, Gazteszenan

20:00 (12 euro). LIVE GAU BEREZIA: RAFAEL BERRIO (banda) + ERAUL

Urriak 2, ostirala, Gazteszenan

21:00 (13-16 euro). HIP HOP GAUA: NACH + GALLINERO ALL STARS

Urriak 3, larunbata, Gazteszenan

DONOSTIKLUBA X. URTEURRENA ARETO NAGUSIAN 23:00-06:00 (15 euro) Delorean, Crocodiles, Delorentos, Ghost Cutlure KULTUR ETXE OSOAN 17:00-05:00 · ERAKUSKETA ARETOAN Argazki erakusketa eta Donostiklubaren 10 urteak ikus-entzunezkoa. · HITZALDI ARETOAN 18:45. Pumuky, 20:30 Cuello · TERRAZA 19:00 -22:00. Layabouts (38 urte, The Ramones Its Alive kontzertu berezia) + SEXY ZEBRAS · KORRIDOREETAN 17:00-22:00. Donostikluba hiri market (Arte diseinatzaileak, bigarren eskukoak….) 18:00. Indigo&Izaro 18:45-20:30. Market DJs 20:30. Ventura 21:15-22:30. Market DJs DONOSTIKLUBA ZIRKUITUA. 2015EKO LEHEN HIRUHILEKOKO KONTZERTUAK:

Azken bideoak