Misterioa hiria kutsatzear da

Fantasiazko eta Beldurrezko Zinemaren XXVI. Astea egingo dute urriaren 31tik azaroaren 6ra.

Estitxu Zabala

2015/10/22

Fantasiazko eta Beldurrezko Zinemaren Astea

Josemi Beltran, Miren Azkarate eta Patxi Presa, jaialdiaren aurkezpenean. (Argazkia: Estitxu Zabala)

Fantasiazko eta Beldurrezko Zinemaren XXVI. Astea ate joka dago jada, urrriaren 31tik azaroaren 6ra izango baita. Hala ere, dagoeneko hiria fantasiaz eta misterioz kutsatzen hasi da. Star Warsen inguruko erakusketa ikus daiteke Aiete kultur etxean, eta asteburu honetan bertan lanean hasiko dira Misterioaren Itsasargia osatzeko. Film Luzeen Sail Ofizialean 23 pelikulek parte hartuko dute; Film Laburren Nazioarteko Sailean, 14 pelikulek; Animazio Film Laburren Sailean, 9 pelikulek; Espainiako Film Laburren Sailean, 9 pelikulek; Haurrentzako Zineman, bi pelikulek; Jarraitu grabatzen! sailean 6 pelikulek, eta West Craven: Omenaldi sailean, film bat izango da. Guztira euskaraz, euskaraz bikoiztutako edo euskarazko azpidatziak dituzten 29 film ikusteko aukera egongo da (zerrenda behean). “Ikusle bakoitzak topa dezala bere pelikula, guztientzako generoak baitaude”, azaldu du Josemi Beltran Donostia Kulturako Zinema arduradunak. Euskal sortzaileek euskaraz egindako lanak ere izango dira jaialdiaren barnean: Euskal Herriaren ABDak (Film Luzeen Sail Ofiziala) eta Samina (Espainiako Film Laburren Saila). Euskal Herriaren ABDak hainbat lagunen artean osatu dute, eta Katihotsak Logia taldearena da jatorrizko ideia. Gidoilarien artean Koldo Almandoz donostiarra dago eta 126 minututko iraupena du. Sorginkeriazko film barregarria eta erakargarria dela diote. Samina, 10 minutuko film laburra da eta Kristina Zoritak zuzendu du. Intxaurrondoko Larrotxene kultur etxeak egin du ekoizpen lana eta Ane Gabarain donostiarra dago aktore taldearen barnean. Amak Ramona utzi omen du, eta amonak hori behin eta berriro gogoraziko dio; horrek Ramonari mina egingo diolarik. Sarrerek 7’40 euro balio dute. Haurrentzako zinema, ordea, doakoa izango da, baina, gonbidapenak lortu behar dira urriaren 28tik aurrera, Antzoki Zaharreko eta Viktoria Eugenia Antzokiko leihatiletan. Esan bezala, urriaren 31n hasiko da jaialdia eta Bulebarrean egingo dute inaugurazio ekitaldia. Beldurgarrezko filmeetako pertsonaien moduan makillatzeko postua jarriko dute 16:30ean, eta 19:00etan, berriz, zonbi lasterketa berezia egingo dute.

Hiru erakusketa gehiago

Hainbat eta hainbat film eskaintzeaz gain, jarduera paraleloak ere izango ditu jaialdiak, hirian barrena jarritako erakusketekin:

Iberia FX: Eskarmentua eta artifizioa Espainiako Zineman izeneko erakusketa zabalduko dute Okendo kultur etxean, urriaren 31tik abenduaren 19ra.
Mai Egurza, Euskadi Fantastikoa XI izeneko erakusketa zabalduko dute Udal Liburutegi Nagusian (alderdi eder), urriaren 30etik azaroaren 14ra.
Inercia, Antonio Hitos izeneko erakusketa zabalik dago Fnac-en, azaroaren 10era arte.

EUSKARAZKO FILMAK (Euskaraz, euskarara bikoiztuak edo euskarazko azpidatziekin) Viktoria Eugenia Antzokia eta Antzoki Zaharra Haurrentzako zinema:

The snow queen (Errusia, 80 min.). Urriaren 31n, 12:00etan, Viktoria Eugenia Antzokian.
Luke eta lucy Belgika (82 min.). Azaroaren 1ean, 12:00etan, Antzoki Zaharrean.

Film luzeen sail ofiziala:

Beldur alemana (Alemania, 85 min.): Azaroaren 2an, 19:45ean, Viktoria Eugenia Antzokian.
Euskal Harriaren ABD-ak (EH, 126 min.): Azaroaren 5ean, 19:45ean, Viktoria Eugenia Antzokian.
Mamuen antzokia (Japonia, 99 min.): Azaroaren 2an, 22:00etan, Antzoki Zaharrean.
Miss Hokusai (Japonia, 90 min.): Azaroaren 4an, 20:30ean, Antzoki Zaharrean.
Oraindik hemen gaude (AEB, 84 min.): Azaroaren 4an, 19:45ean, Viktoria Eugenia Antzokian.
Ulua (Erresuma Batua, 95 min.): Azaroaren 1ean, 19:45ean, Viktoria Eugenia Antzokian.
Ziztatua (Alemania, 82 min.): Azaroaren 3an, 19:45ean, Viktoria Eugenia Antzokian.

Film laburra (lehiaz kanpo):

Samina (EH, 10 min.): Azaroaren 4an, 19:45ean, Viktoria Eugenia Antzokian.

Zikloa. Jarraitu grabatzen!

Sorgina (Suedia-Danimarka, 106 min.): Urriaren 31n, 17:00etan, Viktoria Eugenia Antzokian.
Blair sorgina proiektua (AEB, 81 min.): Azaroaren 1ean, 17:00etan, Viktoria Eugenia Antzokian.
Istilua Ness aintziran (Erresuma Batua, 93 min.): Azaroaren 5ean, 17:00etan, Viktoria Eugenia Antzokian.
Sacramentua (AEB, 100 min.): Azaroaren 6an, 17:00etan, Viktoria Eugenia Antzokian.
Deabruaren pasabidea (AEB-Erresuma Batua, 100 min.): urriaren 31n, 19:45ean, Viktoria Eugenia Antzokian.

Nazioarteko film laburren maratoia (149 min.): Azaroaren 6an, 19:45ean, Viktoria Eugenia Antzokian.

Arcana (Portugal, 8 min.)
Chateau Sauvignon: Terroir (AEB, 13 min.)
Clones (Suitza, 13 min.)
Himiko the Godslayer vs. the Daemon Legion of Azure Dragons (Japonia, 5 min.)
Infringe (Suedia, 19 min.)
Night of the Slasher (AEB, 11 min.)
L’ours noir (Frantzia-Belgika, 16 min.)
Pause pour respirer (Kanada-Espainia, 9 min.)
Stiltegebied/Resting Place (Herbehereak, 10 min.)
Subotitka-Land of Wonders (Suitza, 13 min.)
The Witching Hour (Australia, 9 min.)
The Guests (Australia, 10 min.)
Invaders (AEB, 6 min.)
Market St. (AEB, 8 min.)