Jaietan murgildu dira Larratxokoak

Haur zein helduentzako jarduerez gozatu dute goiz osoan zehar.

Lide Ferreira

2016/06/11

Goizean goizetik zer ospatu izan dute Larratxon. Izan ere, jaietan murgilduta daude dagoeneko. Gaurko jarduerak 11:00etan hasi dituzte, toka eta bote txapelketarekin. Ondoren, haurren danborradaren txanda izan da, VI. Paella txapelketa jokatzen zuten bitartean. Orotara, 28 taldek hartu dute parte ekitaldian. Hala igaro dute goiza haur zein helduek, festa giro ezin hobean. Gaur, larunbata, egun osorako egitarau zabala prestatu dute. Horrela, arratsalde partean mus txapelketa, apar festa, dantzaldia eta beste hainbat jarduera izango dituzte. Iluntzean, berriz, sardina eta saiheski jana, bakarrizketa, eta musika (Malditos Pelaios, Boogie Van, Rock Kam Broom eta karaokea) nagusituko dira.

Erlazionatutako edukiaLarratxoko jaiak konkistatu nahi dituzte Herrerako bizilagunek