100.000 lagun eta 201,9 kilometro. Horiek dira
Gure Esku Dagok datorren
ekainaren 10ean erabakitze eskubidearen alde antolatu nahi duen giza katearen zifrak. Donostiako Eureka! zientzia museoan aurkeztu zuten ekimena larunbatean, 2014ko giza katearen ostean, oraingoan EAEko hiru hiriburuak lotzeko asmoa dutela azalduz. Durango eta Iruñea batu zituzten aurreko ekimenean, 123 kilometroko giza-katearekin.
2018an euskal hiriburuetan galdeketak antolatzeko asmoa iragarri zuen Gure Esku Dagok, eta horien artetik lehenengoa Donostia izango zela aurreratu zuten erakundetik. Galdeketa ospatzeko
sinadauren bilketa hasi zuten hirian hilabete hasieran.
