Txantxarreka gaztetxeko kideek emakumeei greba feministan parte hartzeko erraztasunak eman nahi dizkietela jakinarazi dute, eta horretarako, doako bazkaria eta zaintza zerbitzua eskainiko dituzte.
Gaztetxea irekita egongo da 12:00etatik 15:30eara eta 20:00etatik 22:00etara. Arratsaldean, berriz, haurrak ikastolatik ateratzen diren ordurako gaztetxea zabalik edukiko dutela iragarri dute eta manifestazioa bukatu arte egongo dira bertan.
Bazkarira etorri edo zaintza zerbitzua erabili nahi duten emakumeek m8txantxarreka@gmail.com helbidera idatzi beharko dute. Gizonezkoen kasuan, aldiz, norbait laguntzeko prest badago, email berbera idazteko deia luzatu dute.
