Ostiralean jai liburuxka argitaratuko du IRUTXULOKO HITZAk
2018ko jai liburuxkaren azala.
Gustura sartu gara denboraren makinan, pasadizo, bitxikeria eta argazki bila. Zergatik? Bizipozaren iturburu direlako festak, eta ederra izan delako argazki zaharren artean arakatzen ibiltzea. Festak ospatzeko moduak eta tradizioak eraldatu egin direlako denborarekin, baina irudietan agertzen diren pertsona horien irribarreak eta ondo pasatzeko gogoak gogorarazi digu funtsean ez garela horrenbeste aldatu, beti izango dela gozamena taldean eta elkarrekin ondo pasatzea.
Festei esker auzo eta herriak jai giroan murgiltzen dira eta bizipoza zabaltzen da. Jende askoren ilusioa, gogoa eta lan boluntarioari esker ospatzen dira. Auzo eta herrietako jendeak egin ditu jaiak handi. Haien guztien omenez eta esker onez egin dugu esku ostiralean argitaratuko dugun jai liburuxka.
