Gazte Kolore Fest jaialdia egingo dute Altzan
Gazte Kolore Fest jaialdia egingo dute larunbatean Altzako Gaztelekuan, 17:00etatik 20:30era. 12-17 urte arteko gazteei dago zuzenduta jaialdia, eta musika, dantza, ikastaroak eta sukaldaritza jarduerak egingo dituzte, besteak beste. Gaztelekuan eta kanpoko kantxan egingo dituzte jarduera guztiak, eta eguraldi txarra egiten badu, jarduerak Herrerako frontoian egingo dituzte. Jarraian, antolatu dituzten jarduera guztiak:
- Gorputz txokoa: Tatuajeak aerografoarekin, makillajea, azazkal margoketa eta body painting.
- Lehiaketa txokoa.
- Multioztopo puzgarria.
- Arnasgunea: Eroso egoteko gunea, photocall-a, Instagram lehiaketa eta joalasak.
- Sukaldaritza txokoa.
- Mahai futbola.
- Dantza saioa.
- DJ saioa eta shuffle dantza erakustaldia.
