Haur eta gazteak izango dira protagonista Oletako jaietan
Altzako Oleta auzoko jaiak bihar hasiko dira. Ohiko pala txapelketak izango dituzte auzoko pilotalekuan. Bihar eta etzi gazteen, emakumeen eta gizonen mailako finalerdiak jokatuko dituzte 18:00etatik aurrera. Finalak, ordea, ostiralean izango dira.
Kirol jarduerez harago, hilaren 24a bitarte askotariko egitaraua osatu dute. Batez ere, haur eta gazteei zuzenduriko ekitaldiak antolatu dituzte. Dena dela, adin tarte guztientzako ekitaldiak ez dira faltako. Hona hemen ostegunetik aurrerako egitaraua:
Ekainak 20, osteguna
- 18:00. Jaien hasiera txupinarekin.
- 18:15. Txarangak girotutako buruhandiak.
- 18:30. Umeentzako jolasak.
- 19:00. Txokolate jana.
- 21:00. Afari herrikoia plazan.
- 21:00. Dinbi Danba musika taldearen kontzertua.
Ekainak 21, ostirala
- 16:00. Haurrentzako marrazki lehiaketa plazan (12 urteak arte). Marrazkien gaia: Oletako jaiak. Sariak egongo dira parte hartzaileentzat.
- 17:00. Umeentzako jolasak (trebetasun jokoak).
- 18:00. IV. Gazteen pala txapelketaren finala.
- 18:30. IV. Emakumeen pala txapelketaren finala.
- 19:30. XLVIII. Gizonen pala txapelketaren finala.
- 21:30 Kontzertuen gaua: Txili Pipar, China Chain eta Ezinezkoa taldeak.
Ekainak 22, larunbata
- 11:00. Kultur Lantegiak antolatutako gazteentzako tailerra.
- 11:00. Puzgarriak futbol zelaian (goizean 11:00-13:30, arratsaldean 15:30-18:30).
- 13:00. X. Patata tortilla lehiaketa.
- 14:00. Bazkari herrikoia.
- 16:00. Mus lehiaketa.
- 19:00. Gurea Konpartsaren eskutik dantza erakustaldia.
- 19:00. Sardin jate herrikoia.
- 23:00. Berbena Tsunami taldearekin.
- 00:30. Zezensuzkoa.
- 00:45. Dantza eta mozorro lehiaketa.
Ekainak 23, igandea
- 08:00. Diana herrikoia.
- 11:00. Meza.
- 12:00. Parrilan egindako pintxo herrikoiak.
- 12:00. Altza Kantuz taldearen emanaldia.
- 12:30. Toka eta bote txapelketak.
- 14:00. Helduentzako luntx txiki bat.
- 16:00. Tute lehiaketa.
- 17:30. Umeentzako antzerkia: Trokolo ikuskizuna.
- 18:30. Txistulariek girotutako buruhandiak.
- 18:30. Txokolate jatea.
- 19:00. Zumba saioa Gurea Konpartsarekin.
- 22:00. DJ Jardn.
- 00:00. San Juan sua eta ondoren zezensuzkoa.
Ekainak 24, astelehena
- 12:00. Umeentzako krossa.
- 12:30. Umeentzako jolasak (ondoren bazkaria jai batzordearen eskutik).
- 16:00. Umeentzako jolasak.
- 18:30. Txistulariek girotutako Buruhandiak eta jaien amaiera.
