Alkatetzarako hauteskundeekin hasiko dituzte XCIX. Intxaurrondo Zaharreko jaiak
Intxaurrondo Zaharreko xake txapelketa, 2018an. (Argazkia: Intxaurrondo Zaharreko jai batzordea) XCIX. Intxaurrondo Zaharreko jaiak ohi bezala hasiko dira, auzoko alkatetzarako hauteskundeekin. Jai batzordeko Maixa Albak nabarmendu duenez, lehen aldiz, emakume alkategai gehiago egon dira gizonezkoak baino. Irailaren 5etik 8ra ospatuko dituzte jaiak, eta berrikuntza gisa larunbaterako antolatu duten itsas hondakinen tailerra azpimarratu du Albak. 16:30ean izango da, plazan. Horrez gain, ostiraleko afari herrikoia berezitzat du jai batzordekoak. Honako menua izango dute Intxaurrondokoek: salda, kroketak, entsalada, lasagna, postrea, eta kafea; ondoren, bingo musikatua egingo dute.
Urtetik urtera errepikatu dituzten hainbat jarduera arrakastatsu ere programatu dituzte aurten, besteak beste, gastronomia lehiaketak (patata tortila txapelketa eta marmitako leihaketa) eta urteroko herri kirol desafioa; aurten, San Pedrokoak izango dituzte aurkari. Musika eskaintza zabala ere antolatu dute, eta gauero hainbat kontzertu egingo dituzte: ostiralean, Nikotina eta Bad Sound System-en kontzertuak izango dira; larunbatean, Atxurra, Pavloven zakurrak eta Young Kids egingo dira; azkenik, igandean, Iker Lauroba eta beste urtaroak taldeak kontzertua egingo du, jaiei amaiera emateko.
Aurretik, hala ere, jaietako pala txapelketa hasi dute Intxaurrondo Zaharreko parkeko frontoi estalian. Partidak abuztuaren 26an hasi zituzten eta datorren hilaren 6an amaituko dituzte; orduan izango dira finalak, 17:00etan. Era berean, gaurtik irailaren 10era auzotarren artelanen erakusketa egongo da ikusgai Bilindo tabernan.
Hona hemen egitarau osoa:
Irailak 5, osteguna
- 17:00 – 20:00 Alkatetzarako hauteskundeak.
- 20:00 Jaien hasierako ekitaldia: Bozkaketaren zenbaketa, alkate berriaren izendapena, urteko intxaurrondotarrari saria, txupinazoa eta Festara!.
- 20:30 Sardina jana.
- 21:30 Gaztetxean gau giro musikatua, Intxaurrondoko Gazte Asanbladak antolatuta.
Irailak 6, ostirala
- 17:00 Paleta txapelketako finalak frontoi estalia.
- 17:00 Antzerkia kalean: Trokola teatroaren Burutik jota ikuskizuna. Ondoren buruhandiak eta txokolate jana.
- 19:00 Lizardiko jaitsiera Dotake txarangarekin. Etorri mozorrotuta! Ibilbidea: Bilindo taberna, Zubiaurre, Erdikoa, jai gunea, aiton-amonen etxea eta Zulo-Zahar.
- 21:00 Afari herrikoia eta ondoren bingo musikatua.
- 23:30 Kontzertuak: Nikotina eta Bad Sound System.
Irailak 7, larunbata
- 11:00 Xake txapelketa.
- 11:30 Ibiri ganadutegia.
- 13:00 IV. Patata Tortila txapelketa. 12:30ean amaituko da tortilak aurkezteko epea.
- 13:00 Marmitako leihaketaren hasiera.
- 15:00 Bazkaria: tomate entsalada, marmitakoa, izozkia eta kafea.
- 16:30 Haurrentzako itsas hondakinen tailerra.
- 18:00 Herri kirol desafioa: Intxaurrondo vs. San Pedro.
- 21:00 Parrilada: saltxitxak, hanburgesak eta aukera beganoa.
- 23:00 Zezensuzkoa.
- 23:30 Kontzertuak: Atxurra, Pavloven zakurrak eta Young Kids.
Irailak 8, igandea
- 11:00 Intxaurrondoko Bigarren Eksuko VII. Azoka. Izen ematea: intxaurrondotruk@gmail.com.
- 12:00 Haur ikuskizuna: Zirika Zirkusen Egunon sikiera.
- 15:00 Paella jate herrikoia.
- 16:30 Mus txapelketa.
- 18:00 Futbolin txapleketa.
- 18:30 Zinten jokoa, haur zein helduentzat.
- 19:00 Kontzertua: Iker Lauroba eta beste urtaroak.
Irailak 14, igandea
- 11:30 Meza parrokian (Jai batzordearen programatik kanpo).
