Donostia Festibaletik bueltatzeko autobus zerbitzu bereziak eskainiko ditu Dbusek
Hipodromoan egingo den Donostia Festibalaren harira, gaueko autobus zerbitzu bereziak eskainiko ditu Dbusek ostiralean eta larunbatean. Autobusek soilik hipodromotik bueltatzeko zerbitzua eskainiko dute, 22:30etatik 4:30era bitarte.
Irteerak hipodromoko geltokitik izango dira, eta hurrengo geldialdiak egingo dituzte: Unibertsitatea-Tolosa 77 (Antigua) eta San Martin 25 (Erdialdea). Zerbitzuen maiztasunak areagotzen joango dira gauak aurrera egin ahala:
- 22:30etik 1:30era, 30 minutuan behin.
- 1:30etik 3:30era, 10 minutuan behin.
- 3:30etik 4:30era, 5 minutuan behin.
