Amara Berriko gazte danborrada sortu nahi dute San Sebastian egunerako
Amara Berriko jai herrikoietako danborrada (Argazkia: Iñaki Agirre) 
Amara Berrin danborrada berri bat sortu nahi dute. Hain zuzen, Amara Berriko gazte danborrada sortu nahi dute San Sebastian Egunerako. Sare sozialetan zabaldu dutenez, oraindik taldea egituratu gabe dago, eta “denen artean” forma emateko helburua dute. Azaldu dutenez, “auzotik auzoarentzat” sortutako danborrada bat egin nahi dute, eta “saltseroa eta parekidea” izatea nahi dute.
Sorrera kudeatzeko, Whatsappeko talde bat sortu dute, eta “antolatzen lagundu edo danborradan parte hartu nahi” dutenei taldearekin bat egiteko deia luzatu diete.
