(Argazkia: Donostiako Udala) Pasa den hilean, Dbuseko autobusen erabilerak igoera handia izan zuen lanegunetan, eguneko batez besteko 97.730 bidaiarirekin. Zifra hori garraio zerbitzuaren historiako altuena da lanegunei dagokienez, eta hiriak hainbat zirkulazio arazo izan arren lortu da.
Azaroan guztira 2.486.844 bidaia zenbatu ziren, eta Dbuseko hiru lerro nagusiek, 5-Benta Berri, 13-Altza eta 28-Amara-Ospitaleak, 9.984, 11.427 eta 13.153 bidaia egin dituzte batez beste lanegunetan, hurrenez hurren.
Datu horiek urrian erregistratutako emaitza onei batu zaizkie. Hilabete horretan 2.641.815 bidaia zenbatu ziren, Dbusen erabileraren errekor historikoa hautsiz.
15 urtez, Donostia bere hartan erakutsi du IRUTXULOKO HITZAk. Argi dugu kalitatezko eta gertuko edukia eskaintzen jarraitzea dela gure ardura oraingo egoera zail honetan ere. Horregatik, etxetik bada ere, donostiarrontzat etengabe lanean jarraitzen dugu!
Baina bide honetan segitzeko, ezinbestekoa da zure konpromisoa, zuek ere HITZA hartzea.
