Xabier Gaztelumendik Bertsozale elkartean egindako lana sarituko dute, eta bera izango da Gipuzkoako txapeldunari txapelka jarriko diona. (Argazkia: Bertsozale) Datorren larunbatean, hilaren 14an, egingo dute Gipuzkoako Bertsolari Txapelketako finala, eta Xabier Gaztelumendi (Añorga, 1961) izango da irabazleari txapela jantziko diona. Bertsozale elkarteak azaldu duenez, “urte luzetan egindako lan isila aitortu eta eskertu nahi dio” horrela.
Izan ere, 2002tik borondatezko “inurri lan nekaezinean” ibili da Gaztelumendi, lehenengo zortzi urteetan diruzaina izan baitzen, eta hurrengo zortzi urteetan idazkaria. Urte horietan guztietan zehar, Zuzendaritza Batzordeko eta Batzorde Ttipiko kide izan da, eta eguneroko lanak eta gauza operatiboak kudeatu ditu Administrazio Kontseiluko langileekin.
15 urtez, Donostia bere hartan erakutsi du IRUTXULOKO HITZAk. Argi dugu kalitatezko eta gertuko edukia eskaintzen jarraitzea dela gure ardura oraingo egoera zail honetan ere. Horregatik, etxetik bada ere, donostiarrontzat etengabe lanean jarraitzen dugu!
Baina bide honetan segitzeko, ezinbestekoa da zure konpromisoa, zuek ere HITZA hartzea.
